„ახალქალაქში დაპირისპირების დროს, ნაცემია შტაბის კიდევ ერთი წევრი, მას ნეკნები აქვს დამტვრეული“, - ამის შესახებ გაერთიანებული ოპოზიციის, საარჩევნო შტაბის ხელმძღვანელმა, გიორგი ვაშაძემ ტელეკომპანია „რუსთავი 2“-ს განუცხადა.

ვაშაძის თქმით, დაშავებულმა დაშინების გამო, მასზე თავდასხმის ფაქტი დამალა.

„ჩვენთვის ახლა გახდა ცნობილი, რომ ახალქალაქში დაპირისპირების დროს კიდევ ერთი ადამინი არის ნაცემი, ბატონი ჩომარიანი, ის ახლა იმყოფება ახალქალაქში. ჩვენი ინფორმაციით, მას აქვს ნეკნები დამტვრეული, იქიდან გამომდინარე, რომ ის დააშინეს და მასზე იყო ზეწოლა, დამალა ეს ფაქტი. მის ცემაში, ჩვენი ინფორმაციით, ასევე უშუალოდ იღებდა მონაწილეობას ენზელ მკოიანი. ეს არის ორგანიზებული კრიმინალური დაჯგუფება, ეს არის განსაკუთრებით მძიმე დანაშაული. ჩვენ ახლა ვქმნით ექსპერტ-კრიმინიალისტების, გამომძიებლების და ადვოკატბის ჯგუფებს, რომლებიც მოგვეხმარებიან მსგავსი საქმეების გამოძიებაში. რამდენიმე ჯგუფი უკვე გვყავს, მაგრამ გვჭირდება დამატებითი ჯგუფი ახალქალაქში, რადგან ახლა მიმდიანრეობს მტკიცებულებების გაყალბება, ადამიანებზე ზეწოლა“, - განაცხადა ვაშაძემ.

შეგახსენებთ, ახალქალაქში 30 ოქტომბერს გაერთიანებული ოპოზიციის პრეზიდენტობის კანდიდატის, გრიგოლ ვაშაძის საარჩევნო შტაბის უფროსს, აშოტ რაისიანს და შტაბის რამდენიმე წევრს ფიზიკურად გაუსწორდნენ. ოპოზიციის წარმომადგენლებმა მომხდარში „ქართული ოცნების“ დეპუტატის, ენზელ მკოიანის ძმა დაადანაშაულეს.

მომხდართან დაკავშირებით შსს-მ გამოძიება სისხლის სამართლის კოდექსის 239-ე მუხლის მე-2 და მე-3 ნაწილით მიმდინარეობს, რაც წინასწარი შეთანხმებით ჯგუფის მიერ ჩადენილ ხულიგნობას გულისხმობს.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია