28 ოქტომბრის საპრეზიდენტო არჩევნებთან დაკავშირებით დემოკრატიული ინსტიტუტებისა და ადამიანის უფლებების ოფისის არჩევნებზე სადამკვირვებლო მისიამ (ODIHR EOM) გამოაქვეყნა მოხსენება „წინასწარი შეფასებებისა და დასკვნების შესახებ“, სადაც დადებითად არის შეფასებული იუსტიციის სამინისტროს მიერ ამომრჩეველთა სიის დახვეწის მიზნით განხორციელებული საქმიანობა.

„ODIHR“ აღნიშნავს: „სახელმწიფო უწყებებმა დიდი ძალისხმევა გასწიეს ამომრჩეველთა სიების დასაზუსტებლად; საარჩევნო კომისიებმა კი, ამომრჩევლებს შესაძლებლობა მისცეს, გადაემოწმებინათ საკუთარი პირადი მონაცემები. საარჩევნო პროცესებში ჩართული  მხარეების უმრავლესობამ განაცხადა, რომ მათ ეჭვი არ შეაქვთ ამომრჩეველთა სიის სიზუსტეში“.

მოხსენებაში დადებითადაა შეფასებული იუსტიციის სამინისტროს სახელმწიფო სერვისების განვითარების სააგენტოს მიერ საარჩევნო სიის დახვეწისა და სრულყოფის მიზნით ჩატარებული ღონისძიებები.

„აღსანიშნავია სახელმწიფო სერვისების განვითარების სააგენტოს ძალისხმევა, რომ  ამომრჩეველთა სიიდან ამოეღოთ გარდაცვლილი პირების მონაცემები და რეგისტრაციიდან მოხსნილ ან მოქმედი პირადობის დამადასტურებელი დოკუმენტის არმქონე მოქალაქეებს შესაძლებლობა მიეცათ, დოკუმენტები და ფოტოები უფასოდ მიეღოთ“, − აღნიშნულია მოხსენებაში.

ამასთან, სადამკვირვებლო მისია ხაზს უსვამს იმ ფაქტს, რომ ამომრჩევლებს მრავალი შესაძლებლობა ჰქონდათ, ამომრჩეველთა სიაში მონაცემების გადამოწმების და ცდომილების აღმოჩენის შემთხვევაში, მათი შესწორება მოეთხოვათ.

(NS)

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია