ცენტრალური საარჩევნო კომისიის (ცესკო) ხელმძღვანელი პირები საერთაშორისო სადამკვირვებლო მისიების წარმომადგენლებს შეხვდნენ.

შეხვედრები გაიმართა ეუთო-ს (OSCE PA)  საპარლამენტო ასამბლეის დელეგაციასთან, საერთაშორისო რესპუბლიკური ინსტიტუტის (IRI) მოკლევადიანი დამკვირვებელთა მისიის  და ეროვნულ დემოკრატიული ინსტიტუტის (NDI)  სადამკვირვებლო მისიის წარმომადგენლებთან.

შეხვედრის მონაწილეებმა საპრეზიდენტო არჩევნებისთვის მზადების შესახებ ისაუბრეს. თამარ ჟვანიამ აღნიშნა, რომ არჩევნების პროფესიულ და ყველასათვის ხელმისაწვდომ გარემოში  ჩასატარებლად ცესკო მზად არის.  მან საერთაშორისო მისიების წარმომადგენლებს საარჩევნო ადმინისტრაციის მიმდინარე საქმიანობის შესახებ დეტალურად მიაწოდა ინფორმაცია, მათ შორის ბიულეტენების ბეჭდვის პროცესის, ადგილობრივი და საერთაშორისო დამკვირვებლების რეგისტრაციის და მედია ორგანიზაციების აკრედიტაციის თაობაზე. თამარ ჟვანიამ, ასევე ისაუბრა საარჩევნო პროცესის ორგანიზების, საარჩევნო ადმინისტრაციის წევრთა კვალიფიკაციის ამაღლების, ამომრჩეველთა ინფორმირების კამპანიის, ინკლუზიური საარჩევნო გარემოს, ონლაინ რეგისტრაციების პროგრამის შესაძლებლობების გაზრდის და სხვა მნიშვნელოვანი საკითხების შესახებ.

„ეს შეხვედრები არის ძალიან მნიშვნელოვანი, რადგან ჩვენ მათ ვაცნობთ იმ მომზადების ხარისხს და არსებულ სიტუაციას, რომელიც  ადმინისტრირების კუთხით გვაქვს.  მათ ვაწვდით ყველა ამ ინფორმაციას, რომ ეფექტურად შეძლონ საარჩევნო პროცესზე დაკვირვება. ცესკო ორგანიზების თვალსაზრისით არის აბსოლუტურად მზად -  დაბეჭდილია ბიულეტენები, იბეჭდება ამომრჩეველთა სიები, დღეს ასევე დასრულდება ამომრჩეველთა ბარათების დარიგება. შესაბამისად ორგანიზაციული თვალსაზრისით, ჩვენ ვართ აბსოლუტურად მზად, რომ არჩევნების დღეს მოვემსახუროთ ამომრჩეველს“, - აღნიშნა თამარ ჟვანიამ ჟურნალისტებთან საუბრისას.

(NS)

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია