თბილისის მერის მოადგილე ილია ელოშვილი საქართველო-ჩინეთის (იანანი) ინვესტირებისა და თანამშრომლობის სემინარს დაესწრო. ღონისძიების მონაწილეებმა საქართველოსა და ჩინეთს შორის არსებულ ორმხრივ ურთიერთობებსა და სამომავლო თანამშრომლობის პერსპექტივებზე ისაუბრეს.

თბილისის მერის მოადგილემ სემინარის მონაწილეებს მისასალმებელი სიტყვით მიმართა და ყურადღება ორ ქვეყანას შორის არსებული მეგობრული ურთიერთობის შემდგომი განვითარების მნიშვნელობაზე გაამახვილა. მხარეებმა ექსპორტ-იმპორტის გაზრდისა და საქართველოში ინვესტიციების განხორციელების  შესაძლებლობებიც შეაფასეს. 

როგორც ილია ელოშვილმა აღნიშნა, საქართველოსა და ჩინეთს მრავალი  მიმართულებით, მათ შორის, ტურიზმისა და ვაჭრობის სფეროში, თანამშრომლობის გაღრმავების დიდი პოტენციალი აქვს.

„მოხარული ვარ, რომ საქართველოსა და ჩინეთს შორის ურთიერთობები კიდევ უფრო ღრმავდება და ახალ ეტაპზე გადადის. მნიშვნელოვანია, რომ მხარეებმა სხვადასხვა მიმართულებით ერთმანეთის შესაძლებლობები უკეთ გაიცნონ. მიუხედავად ჩვენი ქალაქის 15-საუკუნოვანი ისტორიისა, ყოველდღიურად ვშრომობთ იმისთვის, რომ ახალი სიცოცხლე დაიწყოს მან, როგორც მწვანე ქალაქმა, სადაც მეტი ინვესტიცია განხორციელდება, გაჩნდება ახალი ეკონომიკურად თუ კულტურულად აქტიური კერები, იმოძრავებს მხოლოდ ეკოლოგიურად სუფთა ტრანსპორტი, განვითარდება მეტრო და მუნიციპალური ტრანსპორტი, მოწესრიგდება ქალაქის იერსახე. იმედს გამოვთქვამ, რომ ჩვენი თანამშრომლობა მომავალში კიდევ უფრო გაღრმავდება“, - განაცხადა ილია ელოშვილმა.

ღონისძიების დაწყებამდე ილია ელოშვილი ჩინეთის ქალაქ იანანის გუბერნატორს, სუ სინრონგს შეხვდა და თბილისში მიმდინარე მუნიციპალურ პროექტებზე ესაუბრა. მხარეებმა თბილისსა და იანანს შორის სხვადასხვა სფეროში მჭიდრო თანამშრომლობისა და ერთობლივი პროექტების განხორციელების იმედი გამოთქვეს. 

სემინარს ჩინეთის სამთავრობო დელეგაციის წევრები, ქართული ბიზნესწრეების,  ვაჭრობის, ტურიზმისა და ეკონომიკის  სფეროს წარმომადგენლები დაესწრნენ.

(NS)

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია