ლუქსემბურგში გარემოს დაცვისა და კლიმატის ცვლილების აღმოსავლეთ პარტნიორობის მეორე მინისტერიალი გაიმართა.

მინისტერიალის ფარგლებში, აღმოსავლეთ პარტნიორობის წევრი ქვეყნების მინისტრებმა, მაღალი თანამდებობის პირებმა და საერთაშორისო ორგანიზაციების წარმომადგენლებმა ცირკულარული ეკონომიკის, ნარჩენების მართვის, ბიოლოგიური მრავალფეროვნებისა და კლიმატის ცვლილების საკითხებზე იმსჯელეს. 

მინისტერიალის ფარგლებში გამართულ შეხვედრაზე საქართველოს გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა აღნიშნული მიმართულებებით საქართველოში განხორციელებული ღონისძიებების შესახებ ისაუბრა. ნინო თანდილაშვილმა ყურადღება საქართველოში პლასტიკის პარკების აკრძალვის საკითხზე, გარემოსდაცვითი შეფასების, ნარჩენების მართვის, წყლის რესურსების მართვის, ატმოსფერული ჰაერის დაცვის, ბიომრავალფეროვნების და კლიმატის ცვლილების მიმართულებით განხორციელებულ და მიმდინარე რეფორმებზე გაამახვილა. მინისტრის მოადგილემ  ხაზი გაუსვა ევროკავშირის და პარტნიორი ქვეყნების მხრიდან მხარდაჭერის აუცილებლობას, როგორც გამოცდილების გაზიარების, ასევე ინფრასტრუქტურის გაუმჯობესების კუთხით.

ლუქსემბურგის დეკლარაციაში ქართული მხარის წინადადებების საფუძველზე ხაზგასმით აღინიშნა ატმოსფერული ჰაერის დაცვისთვის, მათ შორის, მონიტორინგის ქსელის გაძლიერებისთვის ფინანსური დახმარების აუცილებლობა.

(NS)

ავტორი: ,

სოციალური ქსელები

უკრაინის სამივე ყოფილმა პრეზიდენტმა კუჩმამ, იუშენკომ და პარაშენკომ პოლონეთის უმაღლეს ჯილდოზე უარი თქვეს

„ჩემი პოპულარობა შენი საქმე არ არის“: მელონიმ ტრამპის ბოლო თავდასხმებს უპასუხა

Bloomberg: დიდი ბრიტანეთი დაბალფასიან, შორი მოქმედების იარაღს ავითარებს, რომლის გამოყენებაც უკრაინაში შეიძლება

ტრამპმა კვლავ გააკრიტიკა იტალიის პრემიერ-მინისტრი