„მთელი უბედურება ის არის, რომ ეს კაცი თურმე ამ ჩანაწერებს აკეთებს დიდი ხნის განმავლობაში და ის ჩანაწერებიც კი, რომელიც ერთობლივად განვახორციელეთ, დამონტაჟებულია“, - ამის შესახებ სპორტის ყოფილმა მინისტრმა ლევან ყიფიანმა, „ომეგა ჯგუფის“ საქმეზე სასამართლოში ჩვენების მიცემის შემდეგ, ჟურნალისტებს განუცხადა.

„ჩემსა და ზაზა ოქუაშვილს შორის იყო პრობლემა. თავისი პარტნიორებიც და დირექტორებიც დაადასტურებენ, რომ მე გამუდმებით ვთხოვდი და მივანიშნებდი იმ დავალიანებაზე, რომელიც მას დაუგროვდა ამ სამი წლის განმავლობაში ჩემ მიმართ და მე მას ვახსენებდი, რომ ეს დავალიანება გაესტუმრებინა. სწორედ ამაზე აპელირებით მან მთხოვა, რომ მე მივიღებდი იმ დავალიანებას, თუ მას დავეხამრებოდი ამ თემის ხელშეწყობაში. ეს არის ხელშეწყობა ამ ჩანაწერების ერთობლივად განხორციელების და ის ხაზგასმით აღნიშნავდა, რომ აღნიშნული მასალა წავიდოდა უცხოეთში, უცხოელების დასარწმუნებლად. ამის შემდგომ იგი მიყვება, რომ ის პრობლემები, რომელიც მას წარმოექმნა და მას თავზე ენგრევა მთელი ბიზნესი, ამან გამოიწვია ჩვენი შეთანხმება. ეს იყო არ ვიცი, ჩემი მხრიდან მიამიტობით, სურვილით, რომ დავხმარებოდი ამ კაცს და ვყოფილიყავი მისი მხარდამჭერი ბოლომდე. მე გადავწყვიტე ამ თამაშის წესების განხორციელება, მივიღე ეს თამაშის გამოწვევა და განვახორციელეთ ერთად. მაგრამ, მთელი უბედურება ის არის, რომ ეს კაცი თურმე ამ ჩანაწერებს აკეთებს დიდი ხნის განმავლობაში და ის ჩანაწერებიც კი, რომელიც ერთობლივად განვახორციელეთ, დამონტაჟებულია. რა თქმა უნდა მე ჩემს გავლენებს ვიყენებდი, მქონდა ნაცნობობა და ამისთვის ვმუშაობდი, მქონდა ხელშეკრულებაც, რომელიც საზოგადოებისთვის ცნობილი გახდება. გიდასტურებთ კიდევ ერთხელ, რომ მე ვიყავი ამ ორგანიზაციის თანამშრომელი“, - განაცხადა ყიფიანმა.

რაც შეეხება ბანკიდან თანხის გამოტანის ეპიზოდს, ყიფიანმა აღნიშნა, რომ ის ბანკში ნამდვილად იმყოფებოდა, თუმცა მისი თქმით, არ იცის გატანის შემდეგ სად მოხდა თანხის წაღება.

„მე ბანკში ვიმყოფებოდი, თანხის გატანა მოხდა მაგრამ სად წავიდა ის ფული ჩემთვის უცნობია“, - აღნიშნა ლევან ყიფიანმა.

ავტორი: ,

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა