„არ ვიცი, რატომ არ მიშვებენ, უბრალოდ გვაწვალებენ, ჩემი აზრით, დაგვცინიან კიდევაც“, - ამის შესახებ  ყოფილი პრემიერ-მინისტრის, ვანო მერაბიშვილის მეუღლემ, თაკო სალაყაიამ ჟურნალისტებს განუცხადა.

სალაყაიას თქმით, მისთვის დღემდე უცნობია, რა კვლევებს უტარებენ მერაბიშვილს.

„უბრალოდ გვაწვალებენ ჩემი აზრით, დაგვცინიან კიდევაც. ისეთ რაღაცებს ითხოვენ, მართლა ისეთ რაღაცებს  ითხოვენ, რაც მათ ყველაფერი აქვთ ბაზაში. მკურნალი ექიმის გარდა. მათ აქვთ ბაზაში, ჩვენ არა გვაქვს უბრალოდ ჩვენ ბაზაში რომ მკურნალ ექიმს დავუკავშირდეთ და რეკომენდაცია მომცეს რომ ჩემი მეუღლე ვნახო. ფიზიკურად მინდა ვნახო როგორ არის. მართლა ფიზიკურად მაინტერესებს როგორ არის, რომ ვნახო ამის უფლება რატომ არ გვაქვს ვერ ვხვდები. არასდროს შეთანხმებული ჩვენთან არაფერი არ ყოფილა. არც კვლევა, არც გადაყვანა. მოვითხოვ, რომ ვიცოდე ვინ არის მკურნალი ექიმი, რატომ არ მიშვებენ, რატომ არ შეიძლება რომ მოვინახულო, წამებაა ადამიანის? რა კვლევებს უტარებენ. იქნებ არ ვარ თანახმა იმ კვლევებზე და მინდა სხვა კვლევები გაიკეთოს. რას ნიშნავს ეს ვერ გავიგე“, - განაცხადა თაკო სალაყაიამ.

ცნობისთვის, ვანო მერაბიშვილი ე.წ. მატროსოვის ციხიდან კლინიკაში გუშინ გადაიყვანეს. როგორც სპეციალურ პენიტენციურ სამსახურში განმარტეს, მის სიცოცხლეს საფრთხე არ ემუქრება და კლნიკაში გადაყვანა დამატებითი სისხლის ანალიზის ჩასატარებლად გახდა საჭირო.

ავტორი: ,

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა