"ევროპული საქართველოს" ერთ-ერთი ლიდერი გიგა ბოკერია "ქართული ოცნების" მიერ მხარდაჭერილ, პრეზიდენტობის დამოუკიდებელ კანდოდატს აკრიტიკებს. 

როგორც ბოკერიამ პარლამენტის პლენარულ სხდომაზე განაცხადა, პრეზიდენტობის კანდიდატის რიტორიკა ქვეყნისთვის საზიანოა. 

"თქვენ როდის იხმართ ტერმინს „სამარცხვინოს“ სალომე ზურაბიშვილზე? ახლა ჩავიდა სამცხე-ჯავახეთში და პირდაპირ რუსული ნარატივი გაიმეორა, რომ ჩემი ოპონენტი იქ თურქების საქმეს აკეთებდაო. მაშინ აღშფოთდებით, ახლა აზერბაიჯანული წარმოშობის მოქალაქეებთან რომ ჩავა და თუ იტყვის, რომ ის ოპონენტები სომხები არიან და გვიპყრობენო? რა უნდა ქნას, თუ ასლან აბაშიძის დროშა ააფრიალოს აჭარაში? როდის გეყოფათ ზღვარი და მიხვდებით რომ ეს სამარცხვინო კი არა საშიშია ქვეყნისთვის", - განაცხადა ბოკერიამ.

აღსანიშნავია, რომ ბოკერიას ამ განცხადებამ საპარლამენტო უმრავლესობა გააღიზიანა და ამას დარბაზში დებატები მოჰყვა. სიტყვიერი დაპირისპირების შემდეგ,  „ევროპულმა საქართველომ“ დარბაზი დატოვა. მანამდე კომენტარი პარლამენტის თავმჯდომარე ირაკლი კობახიძემაც გააკეთა და ოპოზიცია სიცრუეში დაადანაშაულა. კობახიძს თქმით, საპარლამენტო უმცირესობა ზურაბიშვილის განცხადებებს ინტერპრეტირებულ სახეს აძლევს. 

ავტორი: ,

სოციალური ქსელები

ნანა სანდერი: ციხეში ჩემი ფიზიკური და ფსიქიკური ჯანმრთელობა საფრთხეშია

ფინანსური განათლების სასერტიფიკატო კურსს 100-მდე ახალგაზრდა დაესწრო - პროექტის მხარდამჭერია საქართველოს ბანკი

ევროკავშირმა და სომხეთმა დაკავშირებადობის სფეროში პარტნიორობის შესახებ შეთანხმება გააფორმეს

რასა იუკნევიჩიენე: სამხრეთ კავკასიაში ევროკავშირის პერსპექტივა ცოცხალია, თუმცა მესმის ქართველების იმედგაცრუება, რომ თბილისი ამის მიღმა დარჩა