“აქამდე მოქალაქეობის მინიჭება ხდებოდა მხოლოდ პრეზიდენტის გადაწყვეტილებით. ერთმა პრეზიდენტმა, რომლის წარმომადგენელიც დღეს არის ჩემი ერთ-ერთი ოპონენტი, ძალიან ბევრი მოქალაქეობა დაურიგა თურქებს, მაგრამ თქვენ არ მოგცათ მოქალაქეობა“, – ამის შესახებ „ქართული ოცნების“ მიერ მხარდაჭერილმა პრეზიდენტობის კანდიდატმა სალომე ზურაბიშვილმა, ნინოწმინდაში, ეთნიკურად სომეხ მოსახლეობასთან შეხვედრაზე განაცხადა.

როგორც მან აღნიშნა, მოქალაქეობის შესახებ კანონში განხორციელებული ცვლილებების შედეგად, ორმაგი მოქალაქეობის მიღება უკვე შესაძლებელია.

“ვიცი, რომ მთელ ევროპაში არის მიღებული ფორმა, რომ ორმაგი მოქალაქეობა იყოს ოფიციალურად აღიარებული, ან ნებადართული. ამიტომ, ახლა, ამ წელს, კონსტიტუციაში მივიღეთ ცვლილებები, რის შედეგადაც საქართველოში ორმაგი მოქალაქეობა არ არის აკრძალული. ასევე მივიღეთ კანონი, რომელიც ამას არეგულირებს და უკვე შესულია ძალაში. ამიტომ, შეგიძლიათ განცხადება შეიტანოთ არა გამონაკლისის წესით, არამედ ჩვეულებრივი წესით ორმაგი მოქალაქობის მიღებაზე. თუმცა აქ ერთი მაგრამი არის, კანონში ჩავწერეთ, იმისთვის რომ პირმა აღადგინოს საქართველოს მოქალაქეობა, უნდა საუბრობდეს ქართულად“, - განაცხადა სალომე ზურაბიშვილმა.

აუდიოჩანაწერს ადგილობრივი რადიო NOR-ი ავრცელებს

ავტორი: ,

სოციალური ქსელები

ნანა სანდერი: ციხეში ჩემი ფიზიკური და ფსიქიკური ჯანმრთელობა საფრთხეშია

ფინანსური განათლების სასერტიფიკატო კურსს 100-მდე ახალგაზრდა დაესწრო - პროექტის მხარდამჭერია საქართველოს ბანკი

ევროკავშირმა და სომხეთმა დაკავშირებადობის სფეროში პარტნიორობის შესახებ შეთანხმება გააფორმეს

რასა იუკნევიჩიენე: სამხრეთ კავკასიაში ევროკავშირის პერსპექტივა ცოცხალია, თუმცა მესმის ქართველების იმედგაცრუება, რომ თბილისი ამის მიღმა დარჩა