„ისევე როგორც ჩვენ გვეგონა, რომ არასდროს შეიცვლებოდა ჩვენი დრო, ზუსტად ასე გგონიათ თქვენც“, - ასე მიმართა „ევროპული საქართველოს“ წევრმა აკაკი ბობოხიძემ საპარლამენტო უმრავლესობას.

როგორც მან ბიუროს სხდომაზე განაცხადა, აუცილებელია მთავარი პროკურორი პარლამენტში მივიდეს და „ომეგა ჯგუფის“ საქმეზე მიმდინარე გამოძიების შესახებ კითხვებს პასუხი გასცეს.

„ქალბატონო ეკა, თქვენ როგორც კვალიფიციურმა იურისტმა, ყველაფერი თავდაყირა დააყენეთ და მოიყვანეთ კანონი იმისთვის, როგორ არ გავაგრძელოთ საქმე. ბატონმა სერგი კაპანაძემ სწორედ ეს თქვა, იქნება მოვიწვიოთ პროკურორი და ვიმსჯელოთ, რა პრობლემებია, რა კითხვებია და როგორ მიდის საქმე. მე არ ვამბობ, რომ ბატონ ბიძინა ივანიშვილზე რაც ითქვა ყველაფერი მართალია, არის თუ არა მართალი, ეს უნდა დაადგინოს გამოძიებამ, ოღონდ თქვენი გამოძიება ამას არ დაადგენს. მოვა დრო და ამას დაადგენს ნამდვილი და ჭეშმარიტი გამოძიება. ამის დროც მოვა. ისევე როგორც ჩვენ გვეგონა, რომ არასდროს შეიცვლებოდა ჩვენი დრო, ზუსტად ასე გგონიათ თქვენც. სამწუხაროდ, არცერთ ხელისუფლებას არ ყოფნის გონიერება - დრონი მეფობენ და არა მეფენი“, - მიმართა ბობოხიძემ უმრავლესობის წევრს ეკა ბესელიას.

ავტორი: ,

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა