2018-10-01 16:17:02, 1756 ნახვა

---

ივანიშვილი: ზაზა ოქუაშვილს ერთხელ მართლაც შევხვდი და დავეხმარეთ - ყველაფერს იწერდა, თუმცა ეს ჩანაწერი რატომღაც არ აქვს

„ქართული ოცნების“ თავმჯდომარე ბიძინა ივანიშვილი აცხადებს, რომ ბიზნესმენ ზაზა ოქუაშვილთან შეხვედრა ჰქონდა და მას დახმარება გაუწია.

როგორც ივანიშვილმა პარტიის ოფისში გამართულ შეხვედრაზე განაცხადა, ოქუაშვილი მასთან შეხვედრას იწერდა და მისთვის საინტერესოა, რატომა არ ქვეყნდება აღნიშნული ჩანაწერი.

„მართლაც შევხვდი მას ერთხელ და მართლაც დავეხმარეთ, ისევე როგორც ვეხმარებით ყველა ბიზნესს. მე ეს ვალდებულება დღესაც გამაჩნია, ნებისმიერი ბიზნესმენი, რომელიც მოდის ჩემამდე, პრემიერამდე ან ხელისუფლების რომელიმე ნაწილთან, ყველას აქვს იგივე განცდა, რომ მაქსიმალურად დავეხმაროთ ბიზნესს და ხელი შევუწყოთ. სხვა დანარჩენი მხოლოდ ღიმილის მომგვრელია. ჩანაწერების ოსტატი ყოფილა ეს კაცი, ყველას და ყველაფერს იწერდა, თუმცა რატომღაც ეს ჩანაწერი არ აქვს. თუ ვინმე შეგეკითხებათ გუშინდელ გადაცემაზე, უპასუხეთ, რომ სად არის ჩანაწერები? გამოიტანოს ეს ჩანაწერები და გვაჩვენოს ამ შეხვედრის შესახებ“, - განაცხადა ბიძინა ივანიშვილმა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი