ბიუროს წევრებმა, 3-5 ოქტომბრის პლენარულ სხდომებზე განსახილველ საკითხებზე იმსჯელეს.

პირველი, მეორე და მესამე მოსმენით განსახილველ კანონპროექტებთან ერთად პარლამენტი მოისმენს კომიტეტების მიერ წარდგენილ წლიური საქმიანობის ანგარიშებს.

ბიურომ ასევე იმსჯელა ახალ საკანონმდებლო ინიციატივებზე, რომელთა განხილვაც მიმდინარე კვირიდან კომიტეტებში დაიწყება.

ბიურომ  განიხილა საორგანიზაციო საკითხებიც. მათ შორის კომიტეტების მიმართვა გარკვეული კანონპროექტების განხილვის ვადების გაგრძელების თაობაზე.

სხდომის დასასრულს, ფრაქცია „საქართველოს პატრიოტების" თავმჯდომარემ, გიორგი ლომიამ „ომეგა" ჯგუფთან დაკავშირებით ახალი ჩანაწერების გავრცელების თაობაზე გააკეთა განცხადება და საკითხთან მიმართებაში საპარლამენტო უმრავლესობის პოზიციით დაინტერესდა.

პარლამენტის თავმჯდომარის, ირაკლი კობახიძის განცხადებით, მმართველი გუნდი დაინტერესებულია საკითხის ობიექტური შესწავლით. 

„ფარულ ჩანაწერები ვისი სტილია, კარგად გვახსოვს. მუდმივად ვრცელდება ორ-ორი ადამიანის ჩანაწერი,რომელთაგან არცერთს არ აქვს კავშირი პარტია „ქართულ ოცნებასთან" და ეს იწვევს, პარტიის დისკრედიტაციას. აქედანგამომდინარე, პირველ რიგში, ჩვენს ინტერესებშია, რომ შესწავლილი იყოს ეს საკითხი",- ასე გამოეხმაურა საქართველოსპარლამენტის თავმჯდომარე ირაკლი კობახიძე ფრაქცია „საქართველოს პატრიოტების" თავმჯდომარის, გიორგი ლომიას „ომეგაჯგუფთან" დაკავშირებით გაკეთებულ განცხადებას.

ირაკლი კობახიძის შეფასებით, ეს ყველაფერი საეჭვოდ ემთხვევა საარჩევნო პროცესებს.

„ეს საარჩევნო კამპანია წარიმართება ძალიან მძიმედ, იმ სტილში, რა სტილიც ჩვენ გვახსოვს, განსაკუთრებით, 2012 წლიდან. რაცშეეხება ფარულ ჩანაწერებს, ესეც ვისი სტილია, კარგად გვახსოვს. მუდმივად ვრცელდება ორ-ორი ადამიანის ჩანაწერი,რომელთაგან არცერთს არ აქვს კავშირი პარტია „ქართულ ოცნებასთან" და ეს იწვევს, რა თქმა უნდა პარტიის დისკრედიტაციას.აქედან გამომდინარე, პირველ რიგში, ჩვენს ინტერესებშია, რომ შესწავლილი იყოს ეს საკითხი, და ყველაფერს მოეფინოს ნათელი.ვისი სტილიც არის, ეს ვიცით და საეჭვოდ ემთხვევა ეს ყველაფერი საარჩევნო პროცესებს. კიდევ ერთხელ, ორ-ორი კაცი,გაუგებარია, რატომ, როგორ, ახსენებს „ქართულ ოცნებას", ახდენს დისკრედიტაციას, აქედან გამომდინარე, პირველ რიგში, ჩვენსინტერესებშია, რომ იმ ძალებს, რომლებიც მიჩვეულნი არიან ასეთ რაღაცეებს, გაეცეს პასუხი გამოძიების მხრიდან",- განაცხადაპარლამენტის თავმჯდომარემ ბიუროს სხდომაზე.

ავტორი: ,

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა