„თქვენ ასეთები ხართ ბუნებით, ადამიანმა საშუალება რომ მოგცეთ, ყველას პირდაპირ აქ დაგვხვრეტდით​, მაგრამ ბედნიერებაა, რომ არა გაქვთ ამის საშუალება და არც არასდროს მოგეცემათ“, -  ასე მიმართა „პატრიოტთა ალიანსის“ ლიდერმა, ირმა ინაშვილმა, „ევროპული საქართველოს“ წევრებს პარლამენტის პლენარულ სხდომაზე, სადაც ხორავას ქუჩის საქმეზე შექმნილი საგამოძიებო კომისიის დასკვნას განიხილავენ.

როგორც ინაშვილმა აღნიშნა, თუ საგამოძიებო ორგანოები ხორავას ქუჩის საქმეზე დამნაშავეებს გამოავლენენ, მათ ხელს არავინ დააფარებს.

„საქართველოს პარლამენტი არ არის მარტო ორგანო, რომელიც კანონებს იღებს, ჩვენ მაგალითს ვაძლევთ ახალ თაობას და მე არ მიკვირს, რომ ასეთი ვნებათაღელვაა პარლამენტის სხდომათა დარბაზში მუდმივად, როდესაც თქვენ თავს უფლებას აძლევთ ილაპარაკოთ დემოკრატიაზე, ადამიანის უფლებებზე, მკვლელობებზე  და ასე შემდეგ. თქვენ არა გაქვთ ამისი უფლება. თქვენ ბოკერიებს და დანარჩენებს, თორემ ამაზე რომ ლაპარაკობდეს ლევან გოგიჩაიშვილი და ლაპარაკობს, ამაზე რომ ლაპარაკობდეს და ლაპარაკობს კიდეც ზაზა პაპუაშვილი ეს მისაღებია ჩვენთვის და ვინ გითხრათ თქვენ, რომ ჩვენ ვაპირებთ მკვლელს დავაფაროთ ხელი?! თქვენ ეს დემაგოგია დატოვეთ თქვენ პარტიის ოფისებში. ჩვენ არ ვაპირებთ, რომ მკვლელს დავაფაროთ ხელი, არ ვაპირებთ, რომ იმ პროკურორებს დავაფაროთ ხელი ვინც გამოვლინდება. თქვენ კი არ გამოავლენთ, საგამოძიებო ორგანო თუ გამოავლენს, რომ იქ იყო ჩარევა თანამდებობრივი, იმ შემთხვევაში არ ვაპირებთ ხელი დავაფაროთ იმ პროკურორებსა თუ გამომძიებლებს. მაგრამ თქვენ ასეთები ხართ ბუნებით, თქვენ რომ ადამიანმა საშუალება მოგცეთ, ყველას პირდაპირ აქ დაგვხვრეტდით​, მაგრამ ბედნიერებაა, რომ არა გაქვთ ამისი საშუალება და არც არასდროს მოგეცემათ ამისი საშუალება, თქვენ ამ ხელისუფლების ხელში ჩაგდებას ვერ ეღირსებით, ციხეში  კი წახვალთ. ასე გადაეცით დარბაზიდან გაპარულმ ბოკერიას“, - აღნიშნა გიგა ბოკერიამ.  

ავტორი: ,

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა