„ამ დღეებში გაირკვევა, თუ ვინ იქნება ის ბედნიერი დეპუტატი, რომელიც შეავსებს ჩვენს ფრაქციას “, - ამის შესახებ „პატრიოტთა ალიანსის“ წევრმა, ადა მარშანიამ ჟურნალისტებს განუცხადა.

როგორც დეპუტატმა აღნიშნა, ჯერჯერობით, კონკრეტულ პიროვნებასთან მოლაპარაკება არ შემდგარა, თუმცა მისი თქმით, გუნდი აპირებს, ფრაქციაში გადასვლა დეპუტატ გედევან ფოფხაძეს შესთავაზოს.

„თუ არ შეივსება, არაუშავს, ესეც ცხოვრებაა პოლიტიკური, როგორც ვიბრძოდით მანამდე, ისე ვიბრძოლებთ ჩვენი ქვეყნისთვის, უკეთესი მომავლისთვის და ყველა მოღალატეს და უცნაურ პოლიტიკოსსაც შევებრძოლებით. შევთავაზებთ, ბატონ გედევან ფოფხაძეს, არ არის გამორიცხული, რომ გავიმეორებთ მოწვევას ფრაქციაში, თუ მას ბრძოლა უნდა, არ ინანებს“, - განაცხადა ადა მარშანიამ.

შეგახსენებთ, რომ პარლამენტის წევრი, ტელეკომპანია „იბერიას“ დამფუძნებელი ნატო ჩხეიძე, ფრაქცია „საქართველოს პატრიოტებს“ ტოვებს. იმ შემთხვევაში, თუ მის ადგილს სხვა რომელიმე დეპუტატი არ დაიკავებს, ფრაქცია „საქართველოს პატრიოტები“ დაიშლება.

ავტორი: ,

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა