„საფრანგეთის პრემიერ-მინისტრმა და შინაგან საქმეთა მინისტრმა, ორივემ ხელი მოაწერეს განკარგულებას, რომლის მიხედვით 23 აგვისტოდან აღარ ვითვლები საფრანგეთის მოქალაქედ“, - ამის შესახებ პრეზიდენტობის დამოუკიდებელმა კანდიდატმა, სალომე ზურაბიშვილმა ბრიფინგზე განაცხადა.

ზურაბიშვილის თქმით, მისთვის ეს არ იყო მარტივი გადაწყვეტილება.

„დღევანდელი დღე ჩემთვის სხვანაირი დღეა. დღეიდან აღარ ვარ ორმაგი მოქალაქე. საფრანგეთის პრემიერ-მინისტრმა და შინაგან საქმეთა მინისტრმა, ორივემ ხელი მოაწერეს განკარგულებას, რომლის მიხედვით 23 აგვისტოდან აღარ ვითვლები საფრანგეთის მოქალაქედ, ეს არ არის ადვილი და მარტივი საკითხი, რადგან საფრანგეთმა ქართველებს, იმ დიასპორას, რომელიც წავიდა საქართველოდან, შეუნარჩუნა ლევილის სასახლე და ერთი საუკუნის მანძილზე გაუწია ძალიან დიდი დახმარება, თავშესაფარი. საფრანგეთი ყოველთვის არის კეთილგანწყობილი ქართველების მიმართ. ეს გადაწყვეტილება არ არის მარტივი, მაგრამ არის აუცილებელი. არ შეიძლება ქვეყნის პრეზიდენტი ამავდროულად იყოს სხვა ქვეყნის მოქალაქე.  ეს არის ძალიან ლოგიკური, ნებისმიერ ქვეყანაში ასე იქნებოდა. მე ამ გადაწყვეტილებას ვიღებ სრული პასუხისმგებლობით და ეს არის აუცილებელი. მე ძალიან ბედნიერი და ამაყი ვარ, რომ ამ დღიდან მხოლოდ საქართველოს მოქალაქე ვარ“, - განაცხადა ზურაბიშვილმა.

ავტორი: ,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება