2018-08-17 12:32:59, 1111 ნახვა
კომენტარი
ბახტაძე ზურაბიშვილზე: ჩვენმა გუნდმა აიღო რამდენიმეკვირიანი პაუზა და ვაკვირდებით მოვლენებს
„ჩვენმა გუნდმა აიღო რამდენიმეკვირიანი პაუზა და ვაკვირდებით მოვლენებს“, - ასე უპასუხა პრემიერ-მინისტრმა, მამუკა ბახტაძემ მთავრობის სხდომის დაწყებამდე გამართულ პრესკონფერენციაზე ჟურნალისტების კითხვას - დაუჭერს თუ არა მხარს მმართველი გუნდი საპრეზიდენტო არჩევნებზე სალომე ზურაბიშვილის კანდიდატურას.
პრემიერის თქმით, მმართველი გუნდი კანდიდატების დარეგისტრირებას დაელოდება და გადაწყვეტილებას ამის შემდეგ მიიღებს.
„რაც შეეხება სალომე ზურაბიშვილის მხარდაჭერას, ჩვენმა პოლიტიკურმა გუნდმა აიღო რამდენიმე კვირიანი პაუზა. ჩვენ ვაკვირდებით მოვლენებს, ამავე დროს ვაკვირდებით იმასაც, თუ რომელი კანდიდატი დარეგისტრირდება და მონაწილეობის სურვილს გამოთქვამს. ამის შემდგომ მივიღებთ გადაწყვეტილებას“, - აღნიშნა მამუკა ბახტაძემ.
![]()
ავტორი: ,
epn.ge (@expressnews.ge)
