საქართველოს ფინანსთა მინისტრ ნოდარ ხადურის განცხადებით, მოგების გადასახადის რეფორმირება და მისი ესტონური მოდელის  განხილვა მიმდინარეობს, თუმცა ამ პროცესში სიჩქარე კარგი შედეგის მომტანი არ იქნება.

როგორც ხადურმა თემის კომენტირებისას ჟურნალისტებს განუცხადა, ამ ეტაპზე მოგების გადასახადისგან ბიუჯეტში  900 მლნ ლარი შედის და მისი გაუქმება, ბიუჯეტის ამავე რაოდენობით შემცირებას გამოიწვევს. ამასთან, მინისტრის თქმით, სექტემბერში წარმოადგენენ ზუსტ გეგმას, თუ როგორ უნდა მოხდეს ესტონურ მოდელზე გადასვლა.

 "მოგების გადასახადის რეფორმირება და მისი  ესტონეთის მოდელის განხილვა მიმდინარეობს, მაგრამ სიჩქარე არ გვეგების, ვინაიდან მოგების გადასახადისგან ბიუჯეტში ამწუთას შემოდის დაახლოებით 900 მლნ ლარი, თუ ჩვენ გავაუქმებთ ამწუთას ამ გადასახადს, ეს ნიშნავს, რომ ბიუჯეტი უნდა შევამციროთ დაახლოებით 900 მლნ ლარით. ეტაპობრივად მოხდება. სექტემბრისთვის წარმოვადგენთ ზუსტ საგზაო რუკას, თუ როგორ უნდა მოხდეს ესტონურ მოდელზე გადასვლა",-განაცხადა ნოდარ ხადურმა.

ცნობისთვის, ბიზნესი მოგების გადასახადისაგან გათავისუფლების პროცესის დაჩქარებას ითხოვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს