შერიგებისა და სამოქალაქო თანასწორობის საკითხებში სახელმწიფო მინისტრის ქეთევან ციხელაშვილის განცხადებით, ე.წ. ოთხოზორია-ტატუნაშვილის სიაში 33 პირი შევა, რომლებმაც ოკუპირებულ ტერიტორიებზე მძიმე დანაშაული ჩაიდინეს.

როგორც ციხელაშვილმა ჟურნალისტებს განუცხადა, აღნიშნული პირების მიმართ სანქციები დაწესდება, მათ შორის გადაადგილების შეზღუდვა. მინისტრის განმარტებით, სანქციების აღსრულებაზე პასუხს იუსტიციის და საგარეო საქმეთა სამინისტროები აგებენ. 

"ამ სიაში, როგორც უკვე პრემიერისგან მოისმინეთ, შედის 33 პირი. ესენი არიან ადამიანები, რომლებმაც 1991 წლიდან ოკუპირებულ ტერიტორიებზე საქართველოს მოქალაქეთა მიმართ მძიმე დანაშაულები ჩაიდინეს, რომელთა მიმართ მიმდინარეობს სისხლისსამართლებრივი საქმის წარმოება, ან მიმდინარეობდა წარსულში. შესაბამისად, ეს 33 პირი გახლავთ ბრალდებული, მსჯავრდებული, მძიმე დანაშაულებებისათვის. ცხადია, აქ შესულია ტატუნაშვილის საქმესთან დაკავშირებული 2 ბრალდებული, და ოთხოზორიას მკვლელობაში მსჯავრდებული კანჯი ოღლი, რომელიც ინტერპოლით იძებნება. მნიშვნელოვანი გახლავთ ის, რომ ასევე პარლამენტის რეზოლუციის შესაბამისად, განისაზღვრა ის ღონისძიებები, რომელიც უნდა გატარდეს ამ პირების მიმართ, რომ დაწესდეს ყველა შესაძლო შეზღუდვა და ამაში შედის მათ შორის ქონებრივი, ფინანსური, გადაადგილების შეზღუდვა საერთაშორისო თანამეგობრობის მხრიდან, სიაში შემავალი პირების მიმართ. ასევე განისაზღვა ის უწყებები, რომლებიც პასუხისმგებელი იქნებიან აღსრულებაზე - ესენი არიან იუსტიციის, საგარეო საქმეთა სამინისტრო, რომელიც ამავდროულად პერიოდულად ანგარიშს წარუდგენენ, როგორც მთავრობას, ასევე პარლამენტს ამის აღსრულების თაობაზე. ძალიან მნიშვნელოვანია , რომ ეს სია არ არის დახურული. სამართალდამცავი უწყებების მიერ გრძელდება გამოძიება და ახალი ბრალეულობის გამოკვეთის შემთხვევაში შესაძლებელია ეს სია გაფართოვდეს, დაემატოს სხვა პირების ჩამონათვალი", - განაცხადა ქეთევან ციხელაშვილმა. 

ავტორი: ,

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო