2018-06-19 12:19:26, 709 ნახვა

---

აჭარის ჯანდაცვის სამინისტროში ჩეხეთის რესპ-ის სამედიცინო აღჭურვილობის მწარმოებლებთან შეხვედრა მიმდინარეობს

ამ წუთებში, აჭარის ა/რ ჯანმრთელობისა და სოციალური დაცვის სამინისტროში ჩეხეთში საელჩოს ინიციატივით, აჭარის რეგიონის სამედიცინო დაწესებულებების წარმომადგენლებთან შეხვედრა მიმდინარეობს.

შეხვედრას ესწრებიან ჩეხეთის საელჩოსა და ჩეხური კომპანიების წარმომადგენლები, რომლებიც აწარმოებენ სამედიცინო აპარატურასა და აღჭურვილობას, მიმდინარეობს ნიმუშების პრეზენტაცია.

„დღეს აჭარის ჯანდაცვის სამინისტრო ჩეხეთის რესპუბლიკის სამედიცინო აღჭურვილობის მწარმოებელ კომპანიებს მასპინძლობს. კომპანიების წარმომადგენლებს დაგეგმილი აქვთ მათ მიერ დამზადებული პროდუქციის პრეზენტაციები, ეს იქნება რენტგენოლოგიური თუ ანგილოგიური დანადგარი, სხვადასხვა ინვენტარი და ტექნიკური საშუალებები. სამედიცინო დაწესებულებებისათვის სასურველი წინადადებების არსებობის შემთხვევაში, სამომავლო თანამშრომლობა ერთობლივად იქნება განხილული“, - განაცხადა აჭარის ჯანდაცვის მინისტრის პირველმა მოადგილემ, რუსუდან შავიშვილმა.

ვიზიტის მიზანია, საქართველოს ოფიციალური წრეების წარმომადგენლებთან და სამედიცინო დაწესებულებების ხელმძღვანელებთან ჯანდაცვის სფეროში სამომავლო თანამშრომლობის გაღრმავება.

 

 

(NS)

---

ავტორი: ,

---

დღის თემა

მთავარი თემა

ინტერვიუ - ექსკლუზივი