აჭარის ჯანდაცვის მინისტრმა თერაპევტსა და რენტგენოლოგს ნაზიბროლა ძიძიგურს სიგელი გადასცა

2018-06-17 15:14:50, 668 ნახვა

რეგიონი

თერაპევტსა და რენტგენოლოგს - ნაზიბროლა ძიძიგურს დაბადებიდან 70 წელი შეუსრულდა.

ღვაწლმოსილ ექიმს მრგვალი საიუბილეო თარიღი აჭარის ა/რ ჯანმრთელობისა და სოციალური დაცვის მინისტრმა ზაალ მიქელაძემ და მინისტრის პირველმა მოადგილემ რუსუდან შავიშვილმა მიულოცეს და რეგიონის მოსახლეობის ჯანმრთელობის დაცვის სფეროში შეტანილი წვლილისათვის მადლობის სიგელი გადასცეს.

ნაზიბროლა ძიძიგურ ამჟამად ხელვაჩაურის სამედცინო ცენტრში რენტგენოლოგად მუშაობს. მან სამედიცინო განათლება რუსეთში, ლენინგრადის N1 სამედიცინო ინსტიტუტში მიიღო. 1975-1984 წლებში მუშაობდა ქ. ლენინგრადის N36 პოლიკლინიკაში ექიმ თერაპევტად. ქალბატონი ნაზი 1984 წელს დაბრუნდა ქ. ბათუმში და სამედიცინო საქმიანობა ქ. ბათუმის რესპუბლიკური კლინიკურ საავადმყოფოში გააგრძელა. მოგვიანებით მან კვალიფიკაცია რენტგენოლოგიაში აიმაღლა და დღემდე ამ მიმართულებით საქმიანობს.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები