ხორავას ქუჩაზე მომხდარი მკვლელობის შემსწავლელი საპარლამენტო საგამოძიებო კომისიის დაკომპლექტების საკითხზე საპარლამენტო უმრავლესობასა და უმცირესობას შორის კონსულტაციები დაიწყო.

მიმდინარე კვირაში რიგგარეშე სხდომა გაიმართება, სადაც დეპუტატეტბმა საგამოძიებო კომისიის შემადგენლობა უნდა დაამტკიცონ.

საგამოძიებო კომისიის საკითხზე დღეს პარლამენტის თავდმჯდომარე "ევროპული საქართველოს" წევრებს ხვდება. დღევანდელ შეხვედრაზე ცნობილი უნდა გახდეს კვოტების რაოდენობა და კომისიის თავმჯდომარის ვინაობაც. შეხვედრას ირაკლი კობახიძე, პარლამენტის ვიცე-სპიკერი თამარ ჩუგოშვილი, ფრაქცია "ქართული ოცნების" თავმჯდომარე მამუკა მდინარაძე, საპარლამენტო უმრავლესობის ლიდერი არჩილ თალაკვაძე, "ევროპული საქართველოს წევრები - გიგა ბოკერია, ელენე ხოშტარია, ირმა ნადირაშვილი, ოთარ კახიძე და სერგი კაპანაძე ესწრებიან. 

როგორც პარლამენტის ვიცე-სპიკერმა თამარ ჩუგოშვილმა აღნიშნა, კომისიის მუშაობა მაქსიმალურად გამჭვირვალე იქნება.

"საზოგადოებაში არსებობს გარკვეული ეჭვი, რომ გამოძიება არ წარიმართა ისე, როგორც უნდა წარმართულიყო. ეს ეჭვები ან დადასტურდება ან უარყოფილი იქნება. ეს არის ამოცანა აღნიშნული კომისიის. იმდენად ღია, გამჭვირვალე, გახსნილი და მძლავრი იქნება კომისიის საქმიანობა, რომ არანაირი კითხვის ნიშნები ფიზიკურად არ დარჩება ამ კომისიის შემდეგ", - განაცხადა ჩუგოშვილმა.

აღსანიშნავია, რომ კომისიის ჩამოყალიბებაში არ მონაწილეობენ "ნაციონალური მოძრაობა" და "პატრიოტთა ალიანსი".

ავტორი: ,

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში