არკადი ბაბჩენკო ცოცხალია - რუსი ჟურნალისტის მკვლელობა ინსცენირებული იყო

2018-05-30 18:50:52, 3025 ნახვა

მსოფლიო

არკადი ბაბჩენკო ცოცხალია - რუსი ჟურნალისტის მკვლელობა ინსცენირებული იყო - ვიდეო

რუსი ჟურნალისტის არკადი ბაბჩენკოს მკველობა ინსცინირებული იყო და ის ცოცხალია, - ამის შესახებ BBC იუწყება.

მედია საშუალების ინფორმაციით, უკრაინის უსაფრთხოების სამსახურმა ჟურნალისტის მკვლელობის ორგანიზატორი დააკავა.

უწყების ხელმძღვანელის ვასილი გრიცაკის განცხადებით, ბაბჩენკოს მკვლელობა რუსულმა სპეცსამსახურებმა დაგეგმეს. აღნიშნული განცხადებები უკრაინის უსაფრთხოების სამსახურის მიერ გამართულ ბრიფინგზე გაკეთდა, რომელსაც თავად "გარდაცვლილი" ჟურალისტიც დაესწრო.

ბაბჩენკოს თქმით, მისი მკვლელობის ორგანიზატორების დასადგენათ 2-თვიანი საგამოძიებო მოქმედებები მიმდინარეობდა. მანვე განმარტა, რომ თავად ამ ოპერაციის შესახებ 1 თვის წინ შეიტყო.

"ამის შემდეგ მივიღე გადაწყვეტილება უკრაინის სპეცსამსახურს დვხმარებოდი და გავრცელდა ცნობა, ჩემი მკვლელობისა და გარდაცვალების შესახებ. ჯერ ცოცხალი ვარ - ვერ მოესწრებიან", - განაცხადა ჟურნალისტმა.

ცნობისთვის, მანამდე გავრცელდა ინფორმაცია, რომ კიევში რუსი ოპოზიციონერი ჟურნალისტი არკადი ბაბჩენკო მოკლეს. უკრაინული მედია წერდა, რომ მას უცნობმა პირმა ზურგში სამჯერ ესროლა. უკრაინის შინაგან საქმეთა სამინისტრომ ჟურნალისტის მკვლელობაში ეჭვმიტანილის ფოტორობოტიც, გამოაქვყნა. ის დაახლოებით 40-45 წლის მამაკაცია. თავდასხმის დროს ჟურნალისტის სახლში, მისი მეუღლე და ქალიშვილი იმყოფებოდნენ. ბაბჩენკო საავადმყოფოსკენ მიმავალ გზაზე გარდაიცვალა.
არკადი ბაბჩენკო რუსეთის ხელისუფლების კრიტიკით გამოირჩევა. მისი წიგნები 16 ენაზეა ნათარგმნი და 22 ქვეყანაშია გამოცემული. 2012 წელს მის წინააღმდეგ სისხლის სამართლის გამოძიება დაიწყეს. მას დემონსტრაციაზე მასობრივი არეულობის მოწოდებაში ადანაშაულებდნენ. ასევე, 2017 წლის თებერვალში უსაფრთხოების მიზნით, პრაღაში გადასახლდა. შემდეგ საცხოვრებლად კიევში გადავიდა, სადაც ტელეკომპანია ATR-ზე გადაცემა მიჰყავდა. ასევე აშუქებდა ჩეჩნეთის კონფლიქტსა და 2008 წლის აგვისტოს ომს.