„აფხაზეთი და ე.წ. სამხრეთ ოსეთი საქართველოს ნაწილია“ - სახელმწიფო დეპარტამენტი სირიის გადაწყვეტილებას გმობს

2018-05-30 17:08:44, 1460 ნახვა

პოლიტიკა

ამერიკის შეერთებული შტატების სახელმწიფო დეპარტამენტი სირიის მიერ საქართველოს ოკუპირებული ტერიტორიების აღიარებასთან დაკავშირებით განცხადებას ავრცელებს.

როგორც სახელმწიფო დეპარტამენტის განცხადებაშია ნათქვამი, "აშშ გმობს სირიის რეჟიმის განზრახვას რუსეთის მიერ ოკუპირებულ საქართველოს რეგიონებთან, აფხაზეთთან და ე.წ. სამხრეთ ოსეთთან დიპლომატიური ურთიერთობები დაამყაროს".

სახელმწიფო დეპარტამენტმა დასძინა, რომ აღნიშნული რეგიონები საქართველოს ნაწილია.

"აშშ-ს პოზიცია აფხაზეთისა და ე.წ. სამხრეთ ოსეთის საკითხზე უცვლელია. ჩვენ საქართველოს სუვერენიტეტს, დამოუკიდებლობას და ტერიტორიულ მთლიანობას საერთაშორისოდ აღიარებული საზღვრების ფარგლებში სრულად ვუჭერთ მხარს. ამასთან, ყველა ქვეყანას მოვუწოდებთ, გაერო-ს წესდების თანახმად თავიანთ ვალდებულებებს ყურადღებით მოეკიდონ. კიდევ ერთხელ, აშშ რუსეთს მოუწოდებს 2008 წლის ცეცხლის შეწყვეტის შეთანხმების თანახმად თავისი ჯარები ომამდე არსებულ პოზიციებზე გაიყვანოს“, - ნათქვამია განცხადებაში.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები