„რთული იყო საბჭოთა მმართველობის დროს დამოუკიდებლობისთვის ბრძოლა“ - იანოშ ჰერმანი საქართველოს პირველი რესპუბლიკის იუბილეს ულოცავს

2018-05-26 11:09:08, 1229 ნახვა

პოლიტიკა

ევროკავშირის ელმა იანოშ ჰერმანმა საქართველოს მოქალაქეებს დამოუკიდებლობის დღე და პირველი დემოკრატიული რესპუბლიკის 100 წლის იუბილე ქართულ ენაზე მიულოცა.

შესაბამისი მილოცვა ელჩის Twitter-ის გვერდზე გავრცელდა.

"საქართველოში ვიცხოვრე და კარგად მესმის ის გრძნობები, რომლითაც საქართველოს მოქალაქეები პირველი დემოკრატიული რესპუბლიკის შექმნის 100 წლისთავს აღნიშნავენ. ამ გრძნობებს ვიზიარებ. ვიზიარებ, მათ იმიტომაც, რომ მესმის რამდენად რთული იყო საქართველოს მოქალაქეებისთვის საბჭოთა მმართველობის დროს დამოუკიდებლობისთვის ბრძოლა და საქართველოს დამოუკიდებელი რესპუბლიკის ძალიან მყარ საფუძველზე აღდგენა. მინდა ვთქვა, რომ ჩვენ ევროკავშირში ძალიან ვამაყობთ, რომ შევძელით საქართველოს დამოუკიდებლობისთვის მხარი დაგვეჭირა და ასევე იმ ძალისხმევით, რაც მას შემდეგ საქართველომ გააკეთა ქვეყნის მოდერნიზებისა და ევროკავშირთან დასაახლოვებლად. ვგრძნობ, რომ საქართველოს ყველა მოქალაქეს შეუძლია იამაყოს, იმით რაც მიღწეულია და ყველა მოქალაქეს აქვს მყარი საფუძველი მომავალ საუკუნეს ოპტიმიზმით შეხედოს. ამ აზრებით მინდა შემოგიერთდეთ ამ დღის აღსანიშნავად. ვულოცავ საქართველოს პირეველი რესპუბლიკის 100 წლის თავს", - განაცხადა იანოშ ჰერმანმა ვიდეო მიმართვაში.

Congratulations, Georgia!
We are proud that we have been able to support #Georgia‘s independence and bring the country closer to the #EU in a process based on shared values.#Georgia100 #EU4Georgia #strongertogether pic.twitter.com/ye5pgfwYTi
— Janos Herman (@JanosHermanEU) May 26, 2018