ლიბიიდან სამშობლოში დაბრუნებულ ქართველ მეზღვაურს სოსლან კაკაბაძეს, ბათუმში, საზღვაო ტრანსპორტის სააგენტოში, საგარეო საქმეთა და ეკონომიკის სამინისტროების წარმომადგენლები შეხვდნენ.

შეხვედრაზე სოსლან კაკაბაძის ლიბიის საპატიმროში ყოფნის პერიოდზე ისაუბრეს და აღნიშნეს, რომ იქ კიდევ ორი ქართველი მეზღვაური რჩება.

„სამი წლის განმავლობაში სამი ციხე მოვიარე, სხვადასხვა ციხეში გადავყავდი. გვატყუებდნენ, გვეუბნებოდნენ ამ ციხეში თუ გადახვალ გაგათავისუფლებთო. ციხეში უმძიმეს მდგომარეობაში ვიმყოფებოდით. ბრალდება იყო, რომ ჩვენ თითქოს ნავთობი იტალიაში უკანონოდ გადაგვქონდა. საქართველოს მთავრობისა და უნგრეთის სახელმწიფოს ძალისხმევით ჩემი სასამართლო შედგა და გაგვათავისუფლეს",- განაცხადა სოსლან კაკაბაძემ.

როგორც აჭარის ჯანდაცვის მინისტრმა განაცხადა, უწყება სოსლან კაკაბაძის მიმართ ფსიქო-სოციალურ რეაბილიტაციაზე იზრუნებს.

სოსლან კაკაბაძე, რომელიც 2015 წლიდან ლიბიაში იყო დაკავებული, სამშობლოში გუშინ დაბრუნდა.

ავტორი: ,

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს