საჯარო რეესტრის ეროვნული სააგენტოს მიერ უძრავი ქონების რეგისტრაციისას ბლოკჩეინის ტექნოლოგიის გამოყენების შესახებ მოხსენება  დუბაიში გამართულ "მომავლის ბლოკჩეინის სამიტზე"  წარადგინეს.

საჯარო რეესტრის წარმომადგენლებმა  უძრავი ქონების სარეგისტრაციო წარმოებაში ბლოკჩეინის ტექნოლოგიის გამოყენების გამოცდილებაზე და პროექტის სარგებლის შესახებ დეტალურად ისაუბრეს.  საქართველო  პირველი ქვეყანაა მსოფლიოში, რომელმაც უძრავი ქონების სარეგისტრაციო წარმოებაში  ბლოკჩეინის ტექნოლოგია წარმატებით დანერგა.  ბლოკჩეინში ინტეგრირება  უძრავ ქონებასთან დაკავშირებულ სარეგისტრაციო ტრანზაქციებს კიდევ უფრო მეტად დაცულს, მსოფლიო მასშტაბით ხელმისაწვდომს და გამჭვირვალეს ხდის.

სამიტზე საჯარო რეესტრის წარმომადგენლებმა უძრავ ქონებაზე სარეგისტრაციო წარმოებაში ბლოკჩეინის დანერგვის პროექტის სამომავლო გეგმებიც განიხილეს. აღინიშნა, რომ ამჟამად საჯარო რეესტრი გონიერი კონტრაქტების,  ე.წ.  სმარტ კონტრაქტების დანერგვის მიმართულებით ინტენსიურად მუშაობს. გონიერი კონტრაქტების სისტემის საშუალებით ყიდვა-გაყიდვის შეთანხმებას მხარეები ციფრულ ფორმატში, განაწილებული სააღრიცხვო სისტემის მეშვეობით განახორციელებენ.

„მომავლის ბლოკჩეინის საერთაშორისო  სამიტი" 2-3 მაისს, დუბაიში გაიმართა და მას მსოფლიოს სხვადასხვა ქვეყნიდან  1500-ზე მეტი მონაწილე ესწრებოდა.  ღონისძიებაზე  მოხსენებებით ბლოკჩეინის ეკოსისტემის  60-ზე მეტი ექსპერტი წარსდგა, რომლებმაც  ბლოკჩეინის ტექნოლოგიის სხვადასხვა დარგში გამოყენების გამოცდილებასა და პერსპექტივებზე ისაუბრეს.

(NS)

ავტორი: ,

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი