2018-04-27 18:06:10, 2179 ნახვა

---

კუბლაშვილი: ექსპერტიზამ დაადგინა, რომ ხელყუმბარაზე მაჩალიკაშვილის თითის ანაბეჭდები არ დაფიქსირებულა

პანკისის ხეობაში სპეცოპერაციის შედეგად დაღუპული თემირლან მაჩალიკაშვილის ადვოკატის, მარიამ კუბლაშვილის ინფორმაციით, ექპერტიზამ დაადგინა, რომ ხელყუმბარაზე მისი დაცვის ქვეშ მყოფის თითის ანაბეჭდების კვალი არ აღმოჩნდა.

როგორც კუბლაშვილმა აღნიშნა, ხელყუმბარაზე არც მაჩალიკაშვილის დნმ-ის კვალი დაფიქსირდა.

"პასუხი არის შემდეგი, არის გარკვეული ნაწილაკები, თუმცა რთულია მისი იდენტიფიცირება და აქედან გამომდინარე დასკვნაა, რომ თემირლან მაჩალიკაშვილის თითის ანაბეჭდები არ ფიქსირდება წარმოდგენილ ხელყუმბარაზე, რომელიც შემთხვევის ადგილიდან იქნა ამოღებული. უმთავრესი არგუმენტი, რომ თემირლანს ეჭირა ხელყუმბარა არ დადასტურდა“, - განაცხადა კუბლაშვილმა.

მისივე თქმით, შემთხვევის ადგილიდან ხელყუმბარა ნამდვილად ამოიღეს, თუმცა კუბლაშვილი მიიჩნევს, რომ ის ადგილზე მოგვიანებით მიიტანეს

„წარმოდგენილი მტკიცებულებებით დავადასტურეთ, რომ მას ხელში ეჭირა ტელეფონი ზუსტად 5 წუთის ინტერვალშია გასროლილი, რაც მან მოკლე ტექსტური შეტყობინება გააგზავნა“,- აღნიშნა კუბლაშვილმა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი