"ევროპული საქართველოს" წევრის ოთარ კახიძის განცხადებით, ბიძინა ივანიშვილის დაბრუნება პოლიტიკაში მმართველი გუნდის დასასრულის დასაწყისის მაჩვენებელია.

როგორც კახიძემ აღნიშნა, "ქართული ოცნების" არაპოპულარობა საზოგადოებაში იზრდება.

"ბიძინას "მეორედ მოსვლა" ქართული ოცნების დასასრულის დასაწყისზე მიანიშნებს. ივანიშვილი ისედაც იყო ქართული ოცნების არაფორმალური ლიდერი, რომელიც იღებდა მნიშვნელოვან გადაწყვეტილებებს. ყოველდღიური მენეჯმენტი მიბარებული ჰქონდა საკუთარი თანაშემწეებისთვის, რომლებსაც აშკარად არ ეყოთ არც კომპეტენცია და არც პოლიტიკური წონა, ემართათ ქვეყანა და პარტიული პროცესი. ივანიშვილის ოფიციალურად დაბრუნება ქართული ოცნების თავმჯდომარედ, ადასტურებს: - აშკარა კრიზისს მმართველ პარტიაში, რაც ისედაც თვალსაჩინო იყო ბოლო ხანებში; - ოცნების ზრდად არაპოპულარულობას ხალხში - მოახლოებული საპრეზიდენტო არჩევნების წინ", - წერს ოთარ კახიძე Facebook-ის საკუთარ გვერდზე.

ცნობისთვის, საქართველოს ყოფილი პრემიერ-მინისტრი ბიძინა ივანიშვილი პოლიტიკაში ბრუნდება.  როგორც მოქმედმა პრემიერმა, გიორგი კვირიკაშვილმა დღეს გამართულ ბრიფინგზე განაცხადა, ივანიშვილი „ქართული ოცნების“ თავმჯდომარის პოსტს დაიკავებს.

ავტორი: ,

სოციალური ქსელები

რუსეთში Starlink-ის ტერმინალების იმპორტი აიკრძალა

უკრაინის პროტესტის შემდეგ, ისრაელმა რუსეთიდან მოპარული მარცვლეულის მიღებაზე უარი თქვა

რუსეთში ნავთობის გადამუშავება 17 წლიან მინიმუმამდე დაეცა

ყველაფერი პოლიციის შესახებ: გდდ-ის ხელმძღვანელმა რომან ქარცივაძემ თანამდებობა დატოვა