საქართველოს თავდაცვის მინისტრის თინა ხიდაშელის განცხადებით, უვიზო მიმოსვლასთან დაკავშირებით, საქართველოს ევროკავშირის ყველა მოთხოვნა შესრულებული აქვს.

როგორც ხიდაშელმა თემის კომენტირებისას ჟურნალისტებს განუცხადა, საქართველომ 6 თვეში გაიარა ის გზა, რისთვისაც მოლდოვას 2 წელი დასჭირდა.

„საქართველოს ყველა მოთხოვნა შესრულებული აქვს. მოთხოვნები არის ვადიანი და თუ ჩვენ ვსაუბრობთ, რატომ ვერ მოახერხა საქართველომ  დეკემბერში შესასრულებელი მოთხოვნის მაისში შესრულება, იმიტომ, რომ ის მოთხოვნა არის ვადიანი. საქართველომ 6 თვეში სრულად გაიარა ის გზა, რისთვისაც მოლდოვას 2 წელი დასჭირდა. 2 წლის განმავლობაში აკეთებდა ამას მოლდოვა, სანამ უვიზო მიმოსვლამდე მივიდოდა. ყველა ეს მოთხოვნა საკანონდებლო რეგულირება, ყველა ნორმატიული ქმედება 6 თვეში დავასრულეთ. ზუსტად იმიტომ, რომ 6 თვეში დავასრულეთ, გაჩნდა კითხვა, რომ გუშინწინ მიღებული კანონი რეალობაში როგორ განხორციელდება ანუ მისი იმპლემენტაცია სინამდვილეში სწორად მოესწრება თუ არა, ამას  ამოწმებს ევროკავშირი. ჩვენ ვიჩქარეთ და ყველა მოთხოვნა დავაკმაყოფილეთ, ევროკავშირმა გვითხრა, გავიგეთ  რომ 2 წლიანი გზის 6 თვეში გავლა გინდათ, მაგრამ ერთი-ორი თვე გვაჩვენეთ, ახლა რომ რეალურად ეს კანონები მუშაობს. ეს ძალიან ლეგიტიმური მოთხოვნაა, ჩვენ  ვჩქარობთ, ნამდვილად გვინდა, რომ სწრაფად მოხდეს ამოცანების რეალიზება, რომელიც ევროკავშირთან ამ ეტაპზე გვაქვს დასახული და იმედი მაქვს ის ვადა, რაც იქნება დეკლარაციით განსაზღვრული საკმარისი აღმოჩნდება იმისათვის, რომ ყველა დარწმუნდეს, ეს სიკეთხები, რაც ჩვენ კანონებში ჩავწერეთ, რეალურ ცხოვრებაშიც ადეკვატურად აისახება“,-განაცხადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The National Interest: ახალი ინიციატივა შესაძლოა ცენტრალურ აზიასა და სამხრეთ კავკასიაში ძალთა ბალანსს შეცვლის

საბერძნეთი შეუერთდა რუსეთის აგრესიის საკითხთან დაკავშირებით სპეციალური ტრიბუნალს

პუტინმა უგულებელყო ტუაფსეში მომხდარი „დიდი ეკოლოგიური კატასტროფა“

ჯუანშერ ბურჭულაძეს 10-წლიანი პატიმრობა მიესაჯა