საქართველოს პრემიერ-მინისტრის გიორგი კვირიკაშვილის განცხადებით,  2017 წელი ტურისტების რაოდენობის მხრივ, რეკორდული იყო.

როგორც კვირიკაშვილმა მთავრობის სხდომაზე აღნიშნა, საქართველოს ამ პერიოდში  7 მილიონ ნახევარზე მეტი  საერთაშორისო მოგზაური ეწვია.

კვირიკაშვილის განმარტებით,  ტურისტების მაჩვენებლის ზრდამ 28%-ს მიაღწია, რაც, მისივე შეფასებით, უპრეცედენტოა:

„2018 იანვარ-მარტის მონაცემებით, საქართველოს მილიონ ნახევარი საერთაშორისო მოგზაური ეწვია და ტურისტების რაოდენობა წინა წლის ანალოგიურ პერიოდთან შედარებით ასევე 28%-ით იზრდება. მხოლოდ მარტის თვეში, წინა წლის მარტთან შედარებით, 33%-ით გაიზარდა ტურისტების მაჩვენებელი. ვფიქრობთ, რომ ეს არის ძალიან მნიშვნელოვანია, განსაკუთრებით აღსანიშნავია, რომ მეზობელი ქვეყნების მსგავსად, და მეზობელი ქვეყნებიდან ტრადიციულად ბევრი ტურისტი შემოდიოდა და შემოდის, ძალიან მზარდია ევროკავშირიდან ტურისტების ზრდის მაჩვენებელი, კონკრეტულად შემიძლია გითხრათ, რომ ბრიტანეთიდან შემოსულმა ტურისტების ზრდამ 74% შეადგინა, გერმანიიდან 47%, ლატვიიდან 45%, ლიტვიდან 35%, საფრანგეთიდან 25%, და ძალიან მნიშვნელოვანია ამ კუთხით პირდაპირი ავიარეისები. ძალიან გამიხარდა  ახალი ამბავი, რომ ქართულმა ავიაკომპანიამ, საქართველოს ავიახაზებმა მთელი რიგი ევროპული ქალაქების მიმართულებით, ახალი პირდაპირი რესიები გახსნა. იმედი მაქვს, რომ ეს არ იქნება სეზონური და გაგრძელდება შემდგომშიც”,-აღნიშნა გიორგი კვირიკაშვილმა.

ამასთან, პრემიერის ინფორმაციით, 2017 წელს   ტურიზმიდან შემოსავალმა  2.75 მილიარდი  დოლარი შეადგინა.

“ტურიზმი 2016 წელს საქართველოში იყო 2 მილიარდი დოლარის შემოსავლის წყარო, 2017 წელს კი, ტურიზმიდან შემოსავალმა 2.75 მილიარდი დოლარი შეადგინა, 2 მილიარდ 750 მილიონი დოლარი, ეს არის ჩვენი ქვეყნის მოსახლეობის შემოსავალი მიღებული ტურიზმიდან, სხვადასხვა სახით- სასტუმროებში დახარჯული ფული, კვებაზე, ტრანსპორტზე, ოჯახურ სასტუმნროებში დახარჯული ფული”,-განმარტა პრემიერმა.

ავტორი: ,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა