საზმაუს სამეურვეო საბჭომ თავმჯდომარე ვერ აირჩია

2018-03-29 14:33:17, 1597 ნახვა

საზოგადოება

საზოგადოებრივი მაუწყებლის სამეურვეო საბჭომ თავმჯდომარე ვერ აირჩია.

თავმჯდომარის კანდიდატებად ორი მეურვე გია იაკობიძე და გიორგი ნიჟარაძე დასახელდნენ, თუმცა ორივე მათგანმა თვითაცილება მოითხოვა.

სამეურვეო საბჭოს თავმჯდომარის თანამდებობას 17 აპრილამდე ისევ გრიგოლ გოგელია დაიკავებს.

აღსანიშნავია, რომ მორიგი კენჭისყრა შესაძლოა, 17 აპრილამდე ჩატარდეს, თუმცა თუ ამ დრომდე არ მოხდა საბჭოს თავმჯდომარის არჩევა, არჩევნები უკვე საბჭოს ახალი შემადგენლობის ფარგლებში ჩატარდება.

შეგახსენებთ, რომ 23 მარტს, პარლამენტმა საზოგადოებრივი მაუწყებლის ბორდის ორი ახალი წევრი აირჩია. კერძოდ, აჭარის ავტონომიური რესპუბლიკის კვოტით წარდგენილმა კანდიდატმა, ბესიკ ლილუაშვილმა პარლამენტის დეპუტატთა ხმათა უმრავლესობა მიიღო (101). უმრავლესობის კვოტით წარდგენილმა ზაზა შათირიშვილმა კი პარლამენტის მხარდაჭერა 103 ხმით მიიღო.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები