საქართველოს პირველი ვიცე-პრემიერი, ეკონომიკისა და მდგრადი განვითარების მინისტრი კომპანიების - „სილქნეტისა და „ჯეოსელის" გაერთიანებათან დაკავშირებით გამართულ ღონისძიებას დაესწრო.

დიმიტრი ქუმსიშვილმა დამსწრე საზოგადოებას სიტყვით მიმართა,  რომელშიც საქართველოში განხორციელებული უმსხვილესი გარიგების მნიშვნელობაზე ისაუბრა.

„რა თქმა უნდა, თავისი შინაარსით ეს არის კონკურენციის წამახალისებელი. ჩვენ  დარწმუნებული ვართ, რომ გაერთიანებული, ახალი დიდი კომპანია შეძლებს ბაზრისთვის ინოვაციური პროდუქტების შეთავაზებას, რაც, თავის მხრივ, გამოიწვევს მომსახურების ხარისხის გაზრდას, კონკურენცია კი - ახალი პროდუქტების გამოჩენას ბაზარზე", -აღნიშნა დიმიტრი ქუმსიშვილმა.

შემდგარი გარიგების თანახმად, „სილქნეტი" ჯეოსელის 100%-იანი წილის მფლობელი გახდა. გარიგება „სილქნეტის"  ინტერნეტს, საკაბელო ტელევიზიას და ფიქსირებული სატელეფონო კავშირის მომსახურებას  „ჯეოსელის" მობილურ სერვისთან გააერთიანებს.

გაერთიანებული კომპანია უზრუნველყოფს საქართველოს მომხმარებლებისთვის ინოვაციური პროდუქტების და სერვისის უფრო ფართო არჩევანს და გაზრდილ წვდომას საერთაშორისო ექსკლუზიურ კონტენტზე.

გარიგების ღირებულებამ 153 მლნ. აშშ დოლარი შეადგინა.  გარიგების დაფინანსება 133 მილიონი აშშ დოლარის საკრედიტო რესურსით „თიბისი ბანკმა" უზრუნველყო 9 ბანკისგან შემდგარი სინდიკატის მეშვეობით.

პირველმა ვიცე პრემიერმა  მონაწილე მხარეებს გარიგების წარმატებით დასრულება მიულოცა, ამასთან მან მადლობა გადაუხადა „თიბისი ბანკს" ტრანზაქციისთვის გაწეული ფინანსური დახმარებისთვის.

დიმიტრი ქუმსიშვილის განცხადებით, საქართველოსთვის და ქვეყნის მთავრობისთვის პრინციპულად მნიშვნელოვანია ინოვაციური ეკოსისტემის განვითარება.

„სწორედ გუშინ დავბრუნდი ისრაელიდან, სადაც გვქონდა ძალიან მნიშვნელოვანი შეხვედრები და მინდა აღვნიშნო, რომ დღეს ისრაელი, რომელიც ინოვაციების მიმართულებით მსოფლიოში მე-3 ქვეყანაა, მთლიანი შიდა პროდუქტის თითქმის 4%-ს კვლევასა და განვითარებაზე ხარჯავს, რა თქმა უნდა, აქედან ძალიან დიდი წილი მოდის სწორედ ICT სექტორზე. ჩვენ ჯერჯერობით ძალიან შორს ვართ ამ რიცხვისგან, მაგრამ ასეთი ძლიერი კომპანიები, კერძო სექტორი სამომავლოდ აუცილებლად მოგვცემს შესაძლებლობას, რომ სახელმწიფოსთან ერთად განვავითაროთ უკვე ის მიმართულებები, რომლებიც საბოლოო ჯამში უფრო მაღალი ხარისხის, გამოყენებით პროდუქტებად გარდაიქმნება და მიწოდებული იქნება ჩვენი მოქალაქეებისთვის, მომხმარებლებისთვის", - აღნიშნა პირველმა ვიცე პრემიერმა.

(NS)

ავტორი: ,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა