თბილისის მერი კახა კალაძე რუსთაველის გამზირზე საკომუნიკაციო ჭების რეაბილიტაციის პროცესს გაეცნო. 

მისი თქმით, საკომუნიკაციო ჭების მოწესრიგება ავტომანქანებს დაზიანებისგან დაიცავს და ტრანსპორტის მოძრაობას უფრო უსაფრთხოს გახდის. 

„ძალიან ბევრი უკმაყოფილო მძღოლია, რადგან მოუწესრიგებელია ეს ინფრასტრქუტურა. ეს საკითხი  პირველ რიგში მოგვარდება იქ, სადაც საგზაო ინფრასტრუქტურა გამართულია. ჩვენთან ერთად მუშაობს GWP,  სილქნეტი და მძღოლებს მალე ეს პრობლემა აღარ ექნებათ“, - აღნიშნა კახა კალაძემ. 

საკომუნიკაციო ჭების მოწესრიგება დედაქალაქის მერიამ ერთი კვირის წინ დაიწყო. რეაბილიტაციის პროცესი საკომუნიკაციო ჭების სახურავების ასფალტის საფარის ნიშნულთან გათანაბრებას ითვალისწინებს. სამუშაოები ჩატარდება როგორც საკანალიზაციო, ასევე, სანიაღვრე ჭებზე. 

პირველ ეტაპზე რეაბილიტაცია მიმდინარეობს თბილისის ცენტრალურ ქუჩებზე: რუსთაველის გამზირზე, ჭავჭავაძის გამზირზე, კოსტავასა და მელიქიშვილის ქუჩებზე, ასევე, თავისუფლების მოედნის მიმდებარე ტერიტორიაზე. 

სამუშაოებს, თბილისის მერიის ინფრასტრუქტურის განვითარების საქალაქო სამსახურის კონტრაქტორთან ერთად, რამდენიმე საკომუნიკაციო კომპანია აწარმოებს. რეაბილიტაციის პროცესი, დედაქალაქის მასშტაბით, მიმდინარე წლის ბოლომდე გასტანს. 

თბილისის მერთან ერთად ადგილზე მერის მოადგილე ირაკლი ბენდელიანი იმყოფებოდა. 

(NS)

ავტორი: ,

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში