თბილისის მერის კახა კალაძის განცხადებით, გეგმის მიხედვით, გუდიაშვილის მოედნის სარეაბილიტაციო სამუშაოები 2019 წელს უნდა დასრულდეს.

როგორც კალაძემ რეაბილიტაციის პროექტის პრეზენტაციაზე აღნიშნა, მერია ასევე გააგრძელებს მიმდებარე ქუჩებისა და შენობა-ნაგებობების სარეაბილიტაციო სამუშაოებს.

კალაძე ამბობს, რომ ასეთი მნიშვნელოვანი პროექტების განხორციელების პროცესში უნდა ჩაერთოს როგორც საკრებულო, პარლამენტი, ცენტრალური ხელისუფლება, ისე საზოგადოება:

„2019 წლის ბოლოსთვის ვაპირებთ, რომ დასრულდეს ყველანაირი სამუშაოები, ჩვენ აუცილებლად გავაგრძელებთ მიმდებარე ქუჩების, შენობა-ნაგებობების სარეაბილიტაციო სამუშაოებს.ზოგადად, ჩვენი გუნდისთვის ერთ-ერთი მთავარი პრიორიტეტია ძველი თბილისის მოწესრიგება, მისი აღდგენა და რეაბილიტაცია, რადგან მე ყოველთვის ვამბობ, რომ ეს არის ის სიმდიდრე, რითაც უნდა ვიამაყოთ თითოეულმა ჩვენთაგანმა, ეს არის ის, რაც ჩვენმა წინაპრებმა დღემდე შემოგვინახეს. ეს ყველაფერი მოვლილი და კეთილმოწყობილი უნდა გადავცეთ მომავალ თაობებს.ასეთი მასშტაბური პროექტების განხორციელების დროს, მარტო თბლისის მერია ვერაფერს გააკეთებს. მნიშვნელოვანია ჩვენი ერთად ყოფნა, მე მხედველობაში მაქვს,  როგორც ცენტრალური ხელისუფლება, საკრებულო, პარლამენტი და საზოგადოების აქტიური ჩართულობა.ჩვენ ერთად ბევრ რთულ ბარიერებს გადავლახავთ და მერწმუნეთ, ძალიან მალე ჩვენი დედაქალაქი იქნება სიცოცხლით სავსე და სიყვარულით სავსე ქალაქი“,-განაცხადა კახი კალაძემ.

ავტორი: ,

სოციალური ქსელები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის

The Observer: სტარმერმა შესაძლოა გადადგომის შესახებ ორშაბათს განაცხადოს