აღმოსავლეთ პარტნიორობის რიგის სამიტზე ქართულ დელეგაციას პრემიერ–მინისტრი ირაკლი ღარიბაშვილი უხელმძღვანელებს.

ამის შესახებ საგარეო საქმეთა სამინისტროს სპიკერმა დავით კერესელიძემ უწყებაში გამართულ ბრიფინგზე განაცხადა. 

მისივე თქმით, ქართულ დელეგაციაში ასევე საგარეო საქმეთა მინისტრი თამარ ბერუჩაშვილი შედის. 
როგორც კერესელიძემ ბრიფინგზე აღნიშნა, ქართულ მხარეს აქვს მოლოდინი, რომ რიგის სამიტზე ქვეყანაში მიმდინარე რეფორმები დადებითად იქნება შეფასებული. 

„ჩვენ ჯერჯერობით დეკლარაციის ტექსტი არ ვიცით და არც ის  ვიცით კონკრეტულად რა ჩაიწერება, იქამდე ჯერ დროა. მაგრამ ვიმედოვნებთ, ის ფაზები , რომლებიც ამ ხელმოწერიდან დღემდე ჩვენ გავიარეთ დადებითად იქნება შეფასებული. რაღაც გვაქვს შეფასებული ხუთიანზე, რაღაც ოთხიანზე და ეს ოთხიანი როგორ უნდა გამოვასწოროთ, შეიძლება ამაზე იყოს მითითებები. მოლოდინი, რომ საქრათველოს მთავრობის ძალისხმევა დადებითად იქნება შეფასებული, ნამდვილად არის“, – აღნიშნა კერესელიძემ.

აღმოსავლეთ პარტნიორობის რიგის სამიტი 21–22 მაისს გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინმა უგულებელყო ტუაფსეში მომხდარი „დიდი ეკოლოგიური კატასტროფა“

ჯუანშერ ბურჭულაძეს 10-წლიანი პატიმრობა მიესაჯა

გახარიას პარტია: პატარიძე კანდიდატად კონსტიტუციის აშკარა და უხეში დარღვევით წარადგინეს

ტუაფსეში ცეცხლმოკიდებული ნავთობტერმინალიდან ტოქსიკურმა ღრუბელმა ანაპამდე მიაღწია