ისრაელის პრემიერ-მინისტრი ბენიამინ ნეთანიაჰუ პროკურატურაში დაკითხეს.

Telegraph -ის ინფორმაციით, ისრაელის პროკურატურა ნეთანიაჰუს ქრთამის აღების, უფლებამოსილების ბოროტად გამოყენებისა და თაღლითობის ორ ეპიზოდზე ედავება.

პირველი საქმე ბიზნესმენებისგან ქრთამის სახით საჩუქრად ძვირადღირებული სიგარებისა და ღვინის მიღებას ეხება. გამოძიების ცნობით, პრემიერმა აღნიშნული ძვირადღირებული საჩუქრების სანაცვლოდ ბიზნესმენებისთვის სასარგებლო გადაწყვეტილებას მოაწერა ხელი.

მეორე საქმეს რაც შეეხება, პროკურატურის მტკიცებით, რამდენიმე წლის წინ პრემიერმა ნეთანიაჰუმ გამოცემა Yediot Aharonot-თან საიდუმლო შეთანხმება გააფორმა, რომლის მთავარი მიზანი მთავრობისადმი ოპოზიციურად განწყობილი ჟურნალ-გაზეთებისთვის კონკურენციის გაწევა და მთავრობის სასარგებლო ინფორმაციის გავრცელება იყო.

ბენიამინ ნეთანიაჰუ, რომელსაც პრემიერ-მინისტრის თანამდებობა 11 წელია უკავია, ორივე ბრალდებას უარყოფს.

ავტორი: ,

სოციალური ქსელები

ვეტერანი სენატორი, რესპუბლიკელი ლინდსი გრემი გარდაიცვალა

ჩერგოლეიშვილი – ღნავიან, სასამართლოს დაწვის ამოცანით შენობაში შეჭრილ ელისაშვილს ამდენი წელი რატომ მიუსაჯესო, ამ უპასუხისმგებლო არსების ჰეროიზაციას ახდენენ

წინასწარ შემიძლია ვთქვა, რომ ზარალი იქნება დიდი – კახეთის რწმუნებული ადიდებულ მდინარეზე

თელავში უხვი ნალექის შედეგად დაიტბორა საცხოვრებელი სახლებისა და შენობების პირველი სართულები