საკომუნიკაციო კამპანია „გავთავისუფლდეთ თამბაქოს კვამლისაგან“ დღეს ოფიციალურად გაიხსნება. კამპანიის მიზანია, ყველა მომზადებული შეხვდეს იმ ცვლილებებს, რომელიც 1 მაისს ამოქმედდება.

იქამდე კი, ჯანდაცვის სამინისტროში, თამბაქოს კონტროლის სამთავრობო კომისიის შეხვედრა გაიმართა.

სხდომას საქართველოში ოფიციალური ვიზიტით მყოფი, თამბაქოს კონტროლის ჩარჩო კონვენციის სამდივნოს ხელმძღვანელი ვერა ლუიზა დე კოსტა ე სილვა, გაერო-ს განვითარების ფონდისა და ჯანდაცვის მსოფლიო ორგანიზაციის წარმომადგენლებთან ერთად დაესწრო.

მულტისექტორულ შეხვედრაზე გაეროს განვითარების ფონდისა და ჯანდაცვის მსოფლიო ორგანიზაციის ერთობლივი შეფასების ე.წ. „საინვესტიციო შემთხვევის“ პრეზენტაცია გაიმართა. ასევე, „თამბაქოს კონტროლის ჩარჩო კონვეცია 2030“ დაამტკიცეს, სამდივნოს მიერ ინიცირებული ახალი პროექტი წარმოადგინეს და საკანონმდებლო ნორმის ამოქმედებამდე გასატარებელ ღონისძიებებზე იმსჯელეს.

„საინვესტიციო შემთხვევა“ გაეროს განვითარების პროგრამის, ჯანმრთელობის მსოფლიო ორგანიზაციის, ჯანდაცვის სამინისტროსა და სხვა სამთავრობო უწყებების მჭიდრო თანამშრომლობით განხორციელდა. ის ქვეყნის დონეზე მონაცემების შეგროვებას, თამბაქოს ეკონომიკური ტვირთის განსაზღვრას, მდგრადი განვითარების მიზნების დღის წესრიგის ფარგლებში, პრიორიტეტული ინტერვენციების განხორციელების უპირატესობების გამოვლენას და უმოქმედობის ხარჯის შეფასებას გულისხმობს.

2018 წლის 1 მაისიდან  თამბქოს მოწევა  აიკრძალება დახურულ სივრცეში, გარდა საცხოვრებელი ადგილებისა და პენიტენციარული დაწესებულებებისა;  მოწევა ნებადართული იქნება  კანონის შესაბამისად  მოწყობილ სამორინეში,  სიგარაბარში,  აეროპორტის სატრანზიტო ზონაში, მხოლოდ გამოყოფილ მოსაწევ ოთახში.

სტაციონარული, ფსიქიატრიული და პალიატიური მკურნალობისთვის განკუთვნილ დაწესებულებებში თამბაქოს მოწევა  სპეციალური ბრძანებით დადგენილი წესით იქნება  ნებადართული.

თამბაქოს მოწევა აიკრძალება  ზოგიერთ ღია სივრცესა და შეკრებაზე; ასევე კანონი ითვალისწინებს თამბაქოს პოპულარიზაციის სხვადასხვა ფორმების აკრძალვას; თამბაქოს ნაწარმის ხილული განლაგების აკრძალვას; თამბაქოს კოლოფებში სამედიცინო გაფრთხილების ზომის გაზრდას და პიქტოგრამების სავალდებულო დატანას; ელექტრონული სიგარეტების რეგულირებას; საცალო გაყიდვის აკრძალვას ინტერნეტით და ფოსტით; გზის სავალ ნაწილზე თამბაქოს რეალიზაციის აკრძალვას.

ავტორი: ,

სოციალური ქსელები

იუსტიციის სამინისტრომ პატიმართა კვებისთვის ₾201 მილიონიანი ხელშეკრულებები გააფორმა

ინფრასტრუქტურული პროექტების რეგულირება მკაცრდება - მთავრობა ცვლილებათა პაკეტს ამზადებს

2026 წლის I კვარტალში ტელე და რადიო მაუწყებლების კომერციული შემოსავალი 64%-ით გაიზარდა

კიევში გლოვის დღე გამოცხადდა, ბოლო ცნობით, რუსული რაკეტის თავდასხმისას 24 ადამიანი გარდაიცვალა