PACE: მოვუწოდებთ სეპარატისტ ხელისუფლებას და რუსეთს, გაასამართლონ ტატუნაშვილის გარდაცვალებაზე პასუხისმგებელი პირები

2018-02-27 01:29:00, 2552 ნახვა

პოლიტიკა

ევროსაბჭოს საპარლამენტო ასამბლეის საქართველოს საკითხების მონიტორინგის თანამომხსენებლები კერსტინ ლუნდგრენი და ტიტუს კორლატეანი ოკუპირებულ ცხინვალში დე-ფაქტო ხელისუფლების მიერ დატყვევებული საქართველოს მოქალაქის გარდაცვალების გამო ღრმა შეშფოთებას გამოთქვამენ.

თანამომხსენებლებმა მომხდარი ფაქტი დაგმეს:

„ჩვენ მოვუწოდებთ სეპარატისტ ხელისუფლებას, ასევე რუსეთის ფედერაციის ხელისუფლებას, როგორც დე-ფაქტო მმართველ ძალას, არჩილ ტატუნაშვილის გარდაცვალებასთან დაკავშირებით სრულფასოვანი და გამჭვირვალე გამოძიება განახორციელონ და პასუხისმგებელი პირები გაასამართლონ. ამასთან, ჩვენ ვითხოვთ ბატონ ტატუნაშვილთან ერთად დაკავებული საქართველოს მოქალაქის დაუყოვნებლივ გათავისუფლებას და თბილისის მიერ კონტროლირებად ტერიტორიაზე დაბრუნებას“, - განაცხადეს თანამომხსენებლებმა.

მათ ასევე, კიდევ ერთხელ დაადასტურეს საქართველოს ტერიტრიული მთლიანობისა და მისი საერთაშორისოდ აღიარებული საზღვრების ხელშეუხებლობის მხარდაჭერა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები