დღეს შუახევის მუნიციპალიტეტის მერიის მხარდაჭერითა და შუახევის ინტელექტ-კლუბის ინიციატივით ჩატარდა მუნიციპალიტეტის ჩემპიონატი ინტელექტუალურ თამაშში ,,რა? სად?როდის?”.

ინტელექტუალურ თამაშს მუნიციპალიტეტის მერის ფრიდონ ფუტკარაძე და საკრებულოს თავმჯდომარე გიორგი დავითაძე ესწრებოდნენ, რომლებმაც გუნდებს თამაშის დაწყების წინ წარმატებები უსურვეს.

ინტელექტუალურ თამაშში მონაწილეობდნენ შუახევის მუნიციპალიტეტის ადმინისტრაციულ ტერიტორიაზე მცხოვრები 18 წლის და ზემოთ ასაკის მქონე მოქალაქეები. სულ ასპარეზობდა 21 გუნდი.

საკმაოდ საინტერესო ტურნირის შედეგად საპრიზო ადგილი გუნდმა ,,სკოლის დირექტორები“ მოიპოვა, მეორე და მესამე ადგილი მუნიციპალიტეტის საკრებულოს გუნდმა და შუბნის ,,ვეტერანებმა“ გადაინაწილეს.

საპრიზო ადგილზე გასული გუნდი "სკოლის დირექტორები“ სიგელებით, წიგნებითა და თასით დაჯილდოვდნენ, ხოლო მეორე და მესამე ადგილზე გასულ გუნდებს სამახსოვროდ სიგელები და წიგნები გადაეცათ.

შუახევის ინტელექტ-კლუბის მიზანია, შუახევის მუნიციპალიტეტში მცხოვრებ პირთა დაინტერესება ინტელექტუალური თამაშებით და მათი ინტელექტუალური დონის ამაღლება, ახალგაზრდა თაობის ინტელექტუალურ თამაშებში ჩართვა და განათლების ამაღლების ხელშეწყობა.

(NS)

ავტორი: ,

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება