ე.წ. სამხრეთ ოსეთში გარდაცვლილი არჩილ ტატუნაშვილის მამის გიორგი ტატუნაშვილის განცხადებით, მის შვილს ახალგორში პროდუქტი ჩაჰქონდა და ჩასვლა ხშირად უწევდა.

 „დაქირავებული ჰყავდათ მაგის მანქანა და პროდუქტი ჩაჰქონდა. ახალგორში ბოლო 8 თვის განმავლობაში ჩადიოდა. არანაირი ინციდენტი არავისთან არასდროს არ ჰქონია. ჩვენი რაიონიდან პირველი შემთხვევა იყო, რომ ასე ხელაღებით ადგნენ და წაიყვანეს. არ ვიცი რა მოხდა“, - განაცხადა გიორგი ტატუნაშვილმა.

მისივე თქმით, არჩილ ტატუნაშვილს ცხინვალში არასდროს უბრძოლია.

„ცხინვალში არასდროს უბრძოლია, ერაყსა და ავღანეთში სამშვიდობო მისიით იყო წასული", - განაცხადა ტატუნაშვილის მამამ.

გარდა ამისა, გარდაცვლილი ტატუნაშვილის მეზობლების ინფორმაციით, მას ყველა საჭირო საბუთი ჰქონდა.

"შედიოდა და გამოდიოდა პერიოდულად. ყველანაირი საბუთი ჰქონდა. იქაური კაცი იყო - იქ დაიბადა და გაიზარდა. უპრობლემოდ შედიოდა", - აცხადებს მეზობელი.

კიდევ ერთი მეზობლის თქმით, ტატუნაშვილი პერიოდულად ახალგორში მცხოვრებ ბებოსთანაც ჩადიოდა.

"ბებია ჰყავს იქ და როცა დრო ჰქონდა იმის სანახავად ჩადიოდა. აქ ვერაფერს ვერ აკეთებდა და იქ მაღაზიებში პროდუქტები დაჰქონდა", - დასძინა წილკანის მკვიდრმა.

ავტორი: ,

სოციალური ქსელები

უკრაინის სამივე ყოფილმა პრეზიდენტმა კუჩმამ, იუშენკომ და პარაშენკომ პოლონეთის უმაღლეს ჯილდოზე უარი თქვეს

„ჩემი პოპულარობა შენი საქმე არ არის“: მელონიმ ტრამპის ბოლო თავდასხმებს უპასუხა

Bloomberg: დიდი ბრიტანეთი დაბალფასიან, შორი მოქმედების იარაღს ავითარებს, რომლის გამოყენებაც უკრაინაში შეიძლება

ტრამპმა კვლავ გააკრიტიკა იტალიის პრემიერ-მინისტრი