უკრაინის პრეზიდენტის პეტრო პოროშენკოს განცხადებით, რუსეთი სააბჭოთა კავშირის დაშლას ვერ ეგუება და მას მეზობელი სახელმწიფოების დაპყრობა სურს.

ამის შესახებ პპეტრო პოროშენკომ მიუნხენის კონფერენციაზე სიტყვით გამოსვლის დროს განაცხადა. 

როგორც პოროშენკომ აღნიშნა, რუსეთი ჰიბრიდულ ომს უკვე მთელი მსოფლიოს მასშტაბით აწარმოებს. 

"რუსული პოლიტიკური სამყარო სიცრუეზეა აგებული. ყველაფერი, რასაც რუსეთი ეხება ინგრევა და ნადგურდება. ამის მაგალითია საქართველოს ოკუპირებული რეგიონები - აფხაზეთი და ცხინვალის რეგიონი, დნესტრისპირეთი, დონბასი, ყირიმი და ახლა უკვე სირია. რუსეთს სძულს თავისუფალი ერები, რადგან არ იცის რაც ნიშნავს იყო თავისუფალი. რუსეთის მთავრობა ვერ ეგუება საბჭოთა კავშირის დაშლას და ამიტომ, მისი მიზანია დაიკმაყოფილოს ამბიციები, ანუ დაიპყროს მეზობელი სახელმწიფოები. რუსეთი მხოლოდ უკრაინით, საქართველოთი და სირიით არ დაკმაყოფილდება, არამედ ოკუპირებული ტერიტორიების გაფართოებას მოინდომებს. კრემლის პოლიტიკა თავისი პროპაგანდითა და ამბიციებით, ცრუ ინფორმაციითა და ჰიბრიდული ომით მთელ ევროპას ემუქრება, როგორც სტაბილურობისა და მშვიდობის კონტინენტს. ამის მიზეზი ისაა, რომ რუსეთს სძულს დასავლური ღირებულებები. როდესაც რუსეთი მისი მეზობელი ქვეყნების სუვერენიტეტს ლახავს, სინამდვილეში მას არა ტერიტორია, არამედ მისი ღირსების და ღირებულებების ფეხქვეშ გათელვა სურს“, – განაცხადა პოროშენკომ.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა