პირი, რომელმაც ფლორიდის ერთ-ერთ სკოლაში ცეცხლი გახსნა, საკუთარ Instagram-ზე აქვეყნებდა ფოტოებს, სადაც მას ხელში იარაღი და დანა უჭირავს, - ამის შესახებ New York Post იუწყება.

მედია საშუალების ინფორმაციით, 19 წლის ნიკოლას კრუზი სოციალურ ქსელში წერდა, რომ სროლა "ჯგუფური თერაპიაა".

მედიის ცნობით, ის მუსლიმებს დასცინოდა და მათზე ნეგატიურ კონტექსტში ხუმრობდა.

New York Post-ი წერს, რომ ფოტოების დიდ ნაწილში მას შავი მაისური აცვია და სახე ნახევრად დაფარული აქვს.

შეგახსენებთ, რომ გუშინ ფლორიდის შტატის ქალაქ პარკლენდში მდებარე სკოლაში 19 წლის ნიკოლას კრუსმა სროლა ატეხა. თავდაპირველად კრუზმა ცეცხლი სკოლის ეზოში გახსნა, რა დროსაც 3 ადამიანი დაიღუპა. შემდეგ თავდამსხმელი სკოლაში შეიჭრა, განგაში ჩართო და დერეფანში გამოსულ ადამიანებს ცეცხლი გაუხსნა. ბოლო მონაცემებით თავდასხმის დროს 17 ადამიანი დაიღუპა, 20-მდე ადამიანი საავადმყოფოშია გადაყვანილი. 3 ადამიანის მდგომარეობა კრიტიკულია. ნიკოლას კრუზი ადგილობრივმა სამართალდამცველებმა დააკავეს.

ავტორი: ,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა