2018-02-12 17:44:30, 2111 ნახვა
მსოფლიო
პოროშენკო: სააკაშვილის გაძევება შესაძლებელია, თუმცა მე ეს არ მინდა
უკრაინის პრეზიდენტის პეტრო პოროშენკოს განცხადებით, ოდესის ოლქის ყოფილი გუბერნატორის მიხეილ სააკაშვილის გაძევება შესაძლებელია, თუმცა მას ეს არ სურს.
როგორც პოროშენკომ აღნიშნა, სააკაშვილი არ არის უკრაინელი პოლიტიკოსი, რადგან მას ქვეყნის მოქალაქეობა არ აქვს.
"სააკაშვილი არ არის უკრაინის მოქალაქე. ის ასევე არ არის უკრაინელი პოლიტიკოსი, ვინაიდან ჩვენი კანონმდებლობის თანახმად, საამისოდ ის უკრაინის მოქალაქე უნდა იყოს. მან დაარღვია უკრაინაში კანონი. ის საქართველოში გაასამართლეს. ჩემს მოვალეობებში არ შედის იმის გადაწყვეტა, თუ რა მოუვა მას. მისი გაძევება შესაძლებელია, თუმცა მე ეს არ მინდა. სააკაშვილის ექსტრადირების საკითხით სახელმწიფო საიმიგრაციო და სასაზღვრო სამსახური უნდა დაკავდეს. არ მინდა ამაზე რაიმე გავლენა მქონდეს", - განაცხადა პოროშენკომ.
![]()
ავტორი: ,
epn.ge (@expressnews.ge)
