ეკონომიკისა და მდგრადი განვითარების მინისტრის გიორგი კვირიკაშვილის ინფორმაციით, საგადასახადო ლიბერალიზაციასთან დაკავშირებით კონკრეტული შედეგი სავარაუდოდ ერთ თვეში იქნება. 

ამის შესახებ კვირიკაშვილმა ჟურნალისტებს მთავრობის მიერ დაანონსებულ საგადასახადო ლიბერალიზაციის თემის კომენტირებისას განუცხადა. 

 „საგადასახადო ლიბერალიზაცია საკმაოდ რთული და კომპლექსური საკითხია. ალბათ, უახლოეს 1 თვეში გვექნება შედეგი“, – აღნიშნა კვირიკაშვილმა. 

ცნობისთვის, რამდენიმე დღის წინ გიორგი კვირიკაშვილმა განაცხადა, რომ მთავრობა საგადასახადო ლიბერალიზაციის გამოცხადებას გეგმავს. 

„დაახლოებით ერთ თვეში ჩვენ გამოვაცხადებთ საგადასახადო ლიბერალიზაციის პაკეტს, რომელიც ძალიან მნიშვნელოვნად შეუწყობს ხელს და მეტ ჟანგბადს მისცემს კერძო სექტორს იმისთვის, რომ გადაიტანოს და გაუმკლავდეს იმ გამოწვევებს, რომლებიც ჩვენ გვაქვს",– აღნიშნა კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს