მაღალმთიან სოფლებში მინი საბაგირო გზები დამონტაჟდება. ამის შესახებ საქართველოს პრემიერ-მინისტრმა გიორგი კვირიკაშვილმა მთავრობის დღევანდელ სხდომაზე განაცხადა.

როგორც პრემიერმა აღნიშნა, საპილოტე პროექტი სვანეთიდან უკვე დაიწყო.

მისივე თქმით, ბავშვებს შესაძლებლობა ექნებათ,  დიდი სპორტისთვის განავითარონ საკუთარი შესაძლებლობები იქ, სადაც ცხოვრობენ.

„მინდა, სასიამოვნო სიახლე გაცნოთ,ეს არის ეკონომიკის სამინისტროს მთის კურორტების და განვითარების კომპანიის მერ  ჩვენი ქვეყნის მაღალმთიანეთში წამოწყებული პროექტი, მოგეხსენებათ, მთის კურორტებზე ვამონტაჟებთ  საკმაოდ ძვირადღირებულ საბაგირო გზებს და ეს ზამთრის ტურიზმის განვითარებისთვის და ზოგადად ტურზმისთვის ძალიან მნიშვნელოვანია. მაგრამ სულ გვესმის, ყველას არ აქვს შესაძლებლობა, რომ წავიდეს, რა თქმა უნდა, ეს ასეა და თანდათანობით კიდევ უფრო მეტი ადამიანი შეძლებს რომ ისარგებლოს, ჩვენ ვიწყებთ და  დავიწყეთ სოფლებში მინი საბაგირო გზების დამონტაჟება, ჩვენმა ეკონომიკის სამინისტროს მთის კურორტების განვითარების კომპანიამ აღმოაჩინა გერმანელი მწარმოებელი, რომელიც მინი საბაგიროებს აწარმოებს. ეს არ ჯდება ძვირი, დაახლოებით 25 ათასი ევროს ფარგლებშია თითო ასეთი საბაგიროს ფასი, არის 200-300 მეტრის სიგრძის. სვანეთში დავწიყეთ საპილოტე პროექტი, უშგულში, უშხვანარში, მაზერში, ეცერში, დაბა ლენტეხში უკვე დავამონტაჟეთ ასეთი საციგურაო საბაგირო გზები და ვერ წარმოიდგენთ, რამხელა პოპულარობით სარგებლობს, ყველა ბავშვს შეუძლია ისარგებლოს.

ძალიან მარტივი კონსტრუქციაა.ამას ჩვენ გავაგრძელებთ აუცილებლად მთიან რეგიონებში. სადაც გვაქვს თოვლი და არის აღმართი და დაღმართი, ამის გაკეთება შეიძლება.მთელი ქვეყნის მასშტაბით შეიძლება ბავშვების გაჯანსაღებისთვის და შემდგომში იმისთვის, რომ ეს ბავშვები მოემზადონ, გაიზარდონ და გახდენენ ისეთივე სასახელო ოლიმპიელები, როგორიც გვყავს 4 ოლიმპიელი კორეაში, განივითარონ საკუთარი შესაძლებლობები სოფლებში, სადაც ცხოვრობენ. მინიმუმ გაიზრდებიან ჯანმრთელები და ექნებათ გართობის საშუალება ზამთარში.მთები არის ჩვენი სიმდიდრე და შესაძლებლობა ამავე დროს იმისათვის, რომ მთელი ქვეყანა დავმუხტოთ და რეალიზება გავუკეთოთ ღვთისგან ბოძებულ სიმდიდრეს, რომელიც ქვეყანას გააჩნია.ზაფხულში ვაპირებთ სასეირნო ბილიკების, მთამსვლელებისთვის ბილიკების მოწყობას და მის გასწვრივ საჭირო ტურისტული ინსფრასტრუქტურის მოწყობას,სადაც ადგილობრივები დასაქმდებიან“,-განაცხადა პრემიერმა.

ავტორი: ,

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ