პრემიერ-მინისტრ გიორგი კვირიკაშვილის განცხადებით, ევროკავშირის მხარდაჭერა საქართველოს ტერიტორიული მთლიანობისადმი კვლავ ურყევია.

კვირიკაშვილმა საქართველო-ევროკავშირის ასოცირების საბჭოს სხდომის შემდეგ,  საგარეო და უსაფრთხოების პოლიტიკის საკითხებში ევროკავშირის უმაღლეს წარმომადგენელ ფედერიკა მოგერინთან ერთად  გამართულ პრესკონფერენციაზე საქართველო-ევროკავშირს შორის სხვადასხვა მიმართულებით ურთიერთობების გაღრმავებაზე გაამახვილა ყურადღება:

„ჩვენი ურთიერთობა კიდევ უფრო გაღრმავდა, უვიზო მიმოსვლამ  კიდევ უფრო დაგვაახლოვა. საქართველო ეტაპობრივად ახორციელებს ევროკავშირის ბაზართან ინტეგრაციას, ევროკავშირი ჩვენთვის უდიდესი სავაჭრო პარტნიორია. ჩვენ საუკეთესო ევროპულ გამოცდილებას ვგეგმავთ. ვთანამშრომლობთ განათლების სფეროში, მადლიერები  ვართ იმ მხარდაჭერისთვის, რასაც ვიღებთ. 450 მილიონი ევრო 2017-2020 წლის რეფორმის ფარგლებში, ჩვენ  ველით კიდევ უფრო ღრმა ჩართულობას, რომელიც ევროკავშირთან კიდევ უფრო დაგვაახლოვებს. ურყევია ევროკავშირის მხარდაჭერა ტერიტორიული მთლიანობის კუთხით, არაღიარების პოლიტიკა უცვლელია“,-განაცხადა გიორგი კვირიკაშვილმა.

ავტორი: ,

სოციალური ქსელები

ჰელსინკის აეროპორტის ფუნქციონირება დრონის გამო შეჩერდა

საუდის არაბეთმა ირანსა და ახლო აღმოსავლეთის ქვეყნებს შორის თავდაუსხმელობის შესახებ პაქტის გაფორმების წინადადება წამოაყენა - Financial Times

უკრაინულმა დრონები რუსეთის ერთ-ერთ უდიდეს ნავთობგადამამუშავებელ ქარხანას თავს დაესხნენ, სამი ადამიანი დაიღუპა.

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ