ამ ეტაპზე საქართველოს უვიზო მიმოსვლის შეჩერების მექანიზმის ამოქმედება არ ემუქრება, - ამის შესახებ „რადიო თავისუფლება“ იუწყება.

მედია საშუალების ცნობით, აღნიშნულს საქართველოს დიპლომატიური წარმომადგენლობაც ადასტურებს.

"ამ ეტაპზე საქართველოს შეშფოთების საფუძველი არა აქვს, თუმცა შეშფოთების პირველი ნიშნები უკვე გამოჩნდა. ზოგიერთი ქვეყანა აღნიშნავს, რომ სავიზო ლიბერალიზაციის ამოქმედების შემდეგ მათთან გაიზარდა თავშესაფრის მაძიებელთა რიცხვი საქართველოდან. აქ იგულისხმება სკანდინავიის ქვეყნები, გერმანია და ასე შემდეგ... რიგ შემთხვევებში ზრდის მაჩვენებელი 50 პროცენტს შეადგენს. ეს არის პრობლემა და ისინი ლაპარაკობენ ამის შესახებ. თუმცა ამ ეტაპზე არც ერთი მათგანი არ ითხოვს სავიზო ლიბერალიზაციის შეჩერებას საქართველოსთვის. ამ პრობლემას უნდა დაუპირისპირდეს საქართველო. თუ ასე გაგრძელდა, შეიძლება რაღაც მოხდეს ამ წლის მიწურულს ანდა მომავალ წელს", - აცხადებს მედია საშუალების ბრიუსელის კორსპონდენტი რიკარდ იოზვაკი.

ევროკავშირში საქართველოს წარმომადგენლის ნატალი საბანაძის თქმით, სავიზო ლიბერალიზაციის ამოქმედების შემდეგ ევროპაში თავშესაფრის მაძიებელთა რიცხვის ზრდა აღინიშნება, მაგრამ ამ ეტაპზე შეჩერების მექანიზმის ამოქმედების საფრთხე არ არსებობს და ევროკომისიის ანგარიშის განხილვამ მშვიდად ჩაიარა.

„ჯერჯერობით კომისიის მხრიდან არანაირი შეშფოთება ამ მიმართულებით არ არის - არც ჩემთან დაუსვამთ ეს საკითხი, როგორც შეშფოთების საგანი, და ყველაფერი ჩვეულებრივად მიდის... მაგრამ, რა თქმა უნდა, აკვირდებიან. ვერ უარვყოფთ, რომ არის ტენდენცია ზოგ ქვეყანაში, რომ გაიზარდა საქართველოდან თავშესაფრის მოთხოვნის რაოდენობა. ზოგ ქვეყანაში ზრდა დაიწყო მანამდე, ხოლო ზოგში გაიზარდა მას მერე, რაც მივიღეთ ეს უვიზო რეჟიმი“, - განაცხადა

ცნობისთვის, ევროკავშირის პირველ ანგარიშში საქართველოს შესახებ ნათქვამია, რომ 2016 წლის მეორე ნახევრიდან 2017 წლის შუამდე უკანონოდ დარჩენისა და შესვლაზე უარის თქმის ტენდენცია „სტაბილურ“ სახეს ატარებდა და რომ ამ პერიოდში ევროკავშირის მასშტაბით თავშესაფრის მოთხოვნების საერთო მაჩვენებლები შემდგომ ზრდაზე არ მიუთითებს.

ავტორი: ,

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ