2018-01-15 16:22:15, 1757 ნახვა

---

სააკაშვილი ლუცენკო-გოგაშვილის შეხვედრაზე: ორი ოლიგარქიული რეჟიმი უკრაინელი და ქართველი ხალხის წინააღმდეგ ერთიანდება

საქართველოს მესამე პრეზიდენტი მიხეილ სააკაშვილი უკრაინაში გენერალური პროკურორის იური ლუცენკოსა და საქართველოს მთავარი პროკურორის მოადგილის გიორგი გოგაძის შეხვედრას გამოეხმაურა.

შესაბამისი განცხადება ოდესის ყოფილმა გუბერნატორმა Facebook-ის საკუთარ გვერდზე გაავრცელა.

„ორი ოლიგარქიული რეჟიმის ყველანაირი უწმინდურობა საკუთარი ძაღლის სახლის დასაცავად, ერთიანდება არა მხოლოდ ჩემს წინააღმდეგ, არამედ უკრაინელი და ქართველი ხალხის წინააღმდეგ. ჩვენი ხალხიც უნდა გაერთიანდეს მათ წინააღმდეგ, მაშინ ჩვენ დავამარცხებთ მათ, პუტინსაც და რაც მთავარია უპერსპექტივობასა და სიღარიბეს", - წერს მიხეილ სააკაშვილი.

შეგახსენებთ, რომ კიევში გენერალური პროკურორის იური ლუცენკოსა და საქართველოს მთავარი პროკურორის მოადგილის გიორგი გოგაძის შეხვედრა 12 იანვარს შედგა. უწბებების პრესსამსახურების ცნობით, მხარეებმა ორმხრივი თანამშრომლობის ფარგლებში ორი ქვეყნის პროკურატურებს შორის არსებული ურთიერთთანამშრომლობის გაძლიერების შესახებ ისაუბრეს. ამასთან, საქართველოს მთავარ პროკურატურაში არ აკონკრეტებენ, ისაუბრეს თუ არა ლუცენკომ და გოგაძემ სააკაშვილის ექსტრადირებაზე.

---

ავტორი: ,

---

დღის თემა

მთავარი თემა

ინტერვიუ - ექსკლუზივი