თემირლან მაჩალიკაშვილის ოჯახის მიერ დაქირავებული დამოუკიდებელი ექსპერტის მაია ნიკოლეიშვილის განცხადებით, საქმის ყველა მტკიცებულება მისი თანდასწრებით დაილუქა.

როგორც ნიკოლეიშვილმა ექსპერტიზის დასრულების შემდეგ ჟურნალისტებს განუმარტა, გასროლის ტრაექტორიის შესახებ კითხვას პასუხი მხოლოდ იმ შემთხვევაში გაეცემა, თუ გამოძიება მათ მისცემს ბოლო წერტილის კოორდინატებს კედლიდან.

მისივე თქმით, დღეს თითისა და თმის ანაბეჭდების აღება მოხდა.

"ჩემი ფოტოაპარატით დუბლირებას ვაკეთებდი. ყველა მტკიცებულება დაილუქა ჩემთან ერთად. ხელი მაქვს მოწერილი ყველა მტკიცებულების დალუქვაზე. სხეულში როგორ გაიარა გასაგებია, მისი პოზა გასაგებია, მაგრამ მსროლელის პოზა, რომ დადგინდეს ამიტომ ჩვენი ბოლო წერტილი უნდა ვიცოდეთ კედელზე, სადაც ტყვიამ მოძრაობა შეწყვიტა", - განაცხადა დამოუკიდებელმა ექსპერტმა.

დღეს თემირლან მაჩალიკაშვილის ცხედარს ექსპერტიზა ლევან სამხარაულის ბიუროში 4 საათის განმავლობაში უტარდებოდა.

შეგახსენებთ, რომ 26 დეკემბერს პანკისის ხეობაში ჩატარებული სპეცოპერაციის დროს 19 წლის თემირლან მაჩალიკაშვილი თავის არეში დაჭრეს. ის თავდაპირველად თელავის რეფერალურ საავადმყოფოში, ხოლო მოგვიანებით წმინდა მიქაელ მთავარანგელოზის კლინიკაში გადაიყვანეს. თემირლან მაჩალიკაშვილი ორი კვირს განმავლობაში უგონო მდგომარეობაში იმყოფებოდა. ოჯახი მის საზღვარგარეთ გადაყვანას ითხოვდა. ჯანდაცვის სამინისტროს ხელმძღვანელობით ევროპისა და თურქეთის რამდენიმე კლინიკასთან მოლაპარაკებები მიმდინარეობდა. გუშინ, მაჩალიკაშვილის თურქეთის "კოჩის" კლინიკაში გადაყვანა გადაწყდა. თუმცა, დღეს დილით ის გარდაიცვალა. ექიმებმა მისი გადარჩენა ვერ შეძლეს.

ცნობისთვის, 4 იანვარს სახელმწიფო უსაფრთხოების სამსახურმა ბერი გაბრიელ სალოსის გამზირზე და პანკისის ხეობაში ჩატარებული სპეცოოპერაციის საქმეზე ვიდეომასალა გაასაჯაროვა. სუს-ის პრესსამსახურის უფროსის ნინო გიორგობიანის განცხადებით, ვიდეოკადრებში ჩანს ტერორიზმის ბრალდებით დაკავებულ და ლიკვიდირებულ პირებს შორის კავშირი. აღსანიშნავია, რომ კადრებში ასევე თემირლან მაჩალიკაშვილიც ფიგურირებს.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა