გუშინ, სახელმწიფო უსაფრთხოების სამსახურის მიერ გამოქვეყნებული შუალედური ინფორმაცია იყო სწორედ ამ ეტაპზე არსებულ კითხვებზე პასუხი, - ასე გამოეხმაურა  საქართველოს პარლამენტის იურიდიულ საკითხთა კომიტეტის თავმჯდომარე ეკა ბესელია სუს-ის მიერ სპეცოპერაციის საქმეზე ვიდეომასალის გასაჯაროებას.

დეპუტატის განცხადებით, შუალედური ინფორმაციით ჩანს კავშირები იმ პირებთან, რომლებიც თბილისში ჩატარებულ სპეცოპერაციასთან იყო დაკავშირებული. მისივე თქმით, კითხვების დასმის უფლება აქვს ყველას, თუ ის შესაბამისი სამსახურების იმიჯის შელახვას არ ემსახურება.

 „ტერორისტული დანაშაული არის ყველაზე რთული და დღეს, ყველაზე მთავარი გამოწვევა ყველა ქვეყნისთვის. თუ ჩვენ ვსაუბრობთ იმაზე, რომ სახელმწიფოს შესაბამისი სტრუქტურები უნდა მუშაობდნენ გამართულად  და ქვეყნის მოსახლეობას უნდა ჰქონდეს დაცვის ყველა მექანიზმი და ბერკეტი, მაშინ ამ სამსახურებსაც უნდა მივცეთ შესაძლებლობა, იმუშაონ და ჰქონდეთ შესაბამისი სამართლებრივი თუ პოლიტიკური გარანტიები იმისთვის, რომ ამ უსერიოზულეს გამოწვევებს უპასუხონ", - განაცხადა ბესელიამ.

მან უსაფრთხოების სამსახურის უფროსის ნდობის ჯგუფში მისვლასთან დაკავშირებითაც გამოხატა პოზიცია და აღნიშნა, რომ ჯგუფს უსაფრთხოების სამსახურთან კომუნიკაციის და ინფორმაციის მიღების პრობლემა არ აქვს და საჭიროების შემთხვევაში უსაფრთხოების სამსახურის უფროსს მოუსმენენ.

„რაც შეეხება უსაფრთხოების სამსახურის უფროსის მოსვლას ნდობის ჯგუფში, ჩვენ გვქონდა იმ შეხვედრაზე საუბარი არა მხოლოდ ჩატარებულ სპეცოპერაციაზე, არამედ შესაძლო კავშირებზეც, რომელიც ჰქონდათ იმ ადამიანებს, ვინც იყვნენ სპეცოპერაციის დროს და ეს ინფორმაცია ჰქონდათ ნდობის ჯგუფის წევრებსაც.  თუ საჭიროდ ჩავთვლით, რომ რაიმე ახალია, მნიშვნელოვანია, რომელიც უნდა იცოდნენ ნდობის ჯგუფის წევრებმა, ჩვენ გვაქვს  კომუნიკაცია ისეთი, რომ არანაირი პრობლემა უსაფრთხოების სამსახურის უფროსის მოსვლის ან მისგან  ინფორმაციის მიღების, ნდობის ჯგუფს არ აქვს",-განაცხადა ჟურნალისტებთან საუბრისას ეკა ბესელიამ.​

ავტორი: ,

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ